متضااايجه و أريد أطلع اللي في خاطري ..

السلام عليكم يا بنات .. والله ما عرفت وين أكتب موضوعي جان أدخل ها القسم و أتوكل على الله ..
ما أعرف كيف ابدا .. بس أحس بضيييييييييج والسبب اني ما محصله وضيفه .. واللي يقهر .. ليششش؟ ؟؟ الحمد لله انا عندي كل المؤهلات .. بس الله ما رايدلي اني أتوظف..

والله اني ما خليت مكان في يوظبي الا و قدمت أوراقي .. كل مكان يخطر على بالكم .. بس محد حتى يزقرني .. ولا يسوي معاي مقابله .. قبل كنت مب وايد مهتمه .. الحمدلله ريلي ما مقصر علي بشئ اللي أباه احصله .. بس الحين عندي بنوته .. وانا حامل .. ومصاريفنا زادت .. وريلي بس على ها الراتب .. والله اني احيانا ابا اخذ الشئ الفلاني يقولي اتريي نهاية الشهر .. ولا اتريي الشهر الياي .. و أحيانا ما يقولي انه ما عنده .. يسحب ع البطاقه .. انا مب من النوع اللي أصرف وايد .. بس الدنيا صايره ناار .. و المصاريف تزيددددددددددددددد .. وأالله يعلم اني أحس بضيج فضيع اني ما أقدر اساعد ريلي .. ولا أشيل عنه شوي .. الراتب الحمدلله يمشي معانا لنهاية الشهر ..بس تعالي لما مثلا يستوي علينا مصرف في شهر من الشهور .. يا عرس .. ولا ولاده .. ولا السياره تحتاج تجديد ولا تخترب .. تستوي الأزمه .. لانه نحن ما عدنا مصدر دخل ثاني .. يعينا في ها الأزمات و ها الشئ اللي مضيجبي ..
ادري طولت عليكم .. بس والله بخاطري اتكلم .. وافضفض عن اللي فيني .. والواحد ما يقول غير الحمدلله على كل حال .. واذا لنا رزق في الدنيا بنحصله انشاءالله ..

والسموحه منكم ..

35 تعليق 4,112 مشاهدة

شاركي في النقاش

سجلي الدخول لإضافة تعليق.

التعليقات

35
  1. @shkhsy_ham

    ياحبيلك لا يضيق صدرك ولا شي طيب شوفي انتي وشو اكثر شي تبدعين فيه وسوي لك مشروع صعنوط مثلا اذا تعرفين تسوين مكياج او شعر وزعي رقمك وروحي سويه ترى الناس صايره ما تدور الا هذي الاشياء او تعرفين ترسمين لوحات شي .. مو لازم وظيفه بمعنا الكلمة وصدقين مو اهم شي كثرة الفلوس اهم شي البركة...
    ووسعي صدرك مدام رجلك وبنتك بصحة وعافيه
  2. @othab

    اكثري من الاستغفار ولا تيأسين

    والله يفتحها عليك من حيث لا تعلمين بإذن الله
  3. فقلت استغفروا ربكم انه كان غفار يرسل السماء عليكم مدرارا

    اكثري من الاستغفار والدعاء والالحاح وربي يفرجها عليك ويرزقك من واسع فضله

    الله يرزقنا اجمعين
  4. @alrym_altghlbyh

    طمطومه حبيبتي وسعي صدرك....وأنا مع كلام أختي شخصيه هامه....شوفي أبرز هواياتك وحاولي تنمينها.....وبعدين تاجري فيها وابدئي خطوه خطوه والله بيرزقك...
    وبعدين لاتنسين الدعاء
    ولا تسمعين أو تقرين طلب موظفات إلا وطيري له وكوني أول الحاضرات بأوراقك كامله وبالتوفيق ياعزيزتي...
  5. @gathbyh_1

    حبيبتي مابعد الضيق إلا الفرج إن شاء الله ..

    توكلي على الله وادخلي قسم العروض التجارية وشوفي وش كثر البنات هناك حبوبات وراعيات فزعه.. فيه تاجرات كثير يدورون على مندوبات لبضايعهم صيري مندوبة لوحده فيهم واشتغلي وانتي ببيتك وإن شاء الله ربي يفتحها عليك .. ترى التجارة من أفضل الأعمال طبعاً إذا كانت بالحلال ومن غير غش وهذا مو كلامي هذا كلام المصطفى عليه أفضل الصلاة وأتم التسليم .. نبي الأمة كان يعمل عند خديجة ويسعى في تجارتها وكانت تأتيهم الأرزاق من كل مكان ..

    توكلي على ربك فالمؤمن القوي خير من المؤمن الضعيف ..

تابعي تجارب أخرى من هذا القسم.