ملفنا السابع لاستشارتنا المطبخيه

حملت شوية صور على مركز التحميل بس مكتوب تحت الروابط فى انتظار الموافقة
ولو انى والله محرجة لانها حاجات بسيطة اوى جنب ابداعات فراشة ربنا يحميها يارب
اول ماتيجى الموافقة انزلهم هنا على طول

بما انى باحب الحاجات السهلة والسريعة هوريكم اختراعين جامدين اخر حاجة وسهلين جدا ومش مكلفين


عندى بسكوت اولكر سادة كتير وصلاحيته قربت تنتهى قلت اخترع اى حاجة حلوة بيه
جبت 5باكو وطحنتهم وحطيت عليهم عجوة معلقة زبدة عجنت كله مع بعض وبيبقى عجينة مفرولة حطيت عليها شوية حليب مكثف لحد ما العجينة تلم حوالى 5 معالق كبار وبعدين كورتهم ممكن نزينها طبعا بجوز هند او مكسرات بس احنا بنحبها سادة

الاختراع التانى ده بقى تحفة بجد
فطاير حلوة وحادقة من الرقاق بتتعمل فى 5دقايق
دى الفطاير الحادقة


ودى الحلوة

الطريقة سهلة جدا
الاول نحضرالحشو وده حسب الرغبة انا هنا شوحت بصل وقطعت عليه سوسيس وملح وفلفل وتوم بودر وبصل بودر ورشة سكر على البصل وهو بيتشوح ده للحادق
الحلو عملته ساده وحطيت على الوش بعد ماخلص عسل ومربى وسكر بودرة وحليب مكثف حسب كل واحد ورغبته
بنجيب الرقاق العدد اللى يكفى وناخد واحدة واحدة نبلها تحت الحنفية ونفرده على الرخامة جنب بعض مش فوق بعض عشان مايلزقش


ونبتدى نحط الحشو ونطبق الرقاق ونخليه زى المربع

ونسخن طاسة تيفال على النار ونحط فيها زيت او سمنة حاجة بسيطة خالص ونحط وحدات الرقاق على الناحية المطبقة لحد ماتحمر نقلبها على الناحية التانية على نار متوسطة تقريبا دقيقة لكل ناحية

سهلة جدا وسريعة وكمان مش مكلفة وتقدرى تحشيها باى حاجة مفروم معصج شاورما جبنة اى نوع
والحلو ممكن كاستر مهلبية مكسرات وجوز هند وزبيب زى ماتحبى

ماشاء الله جميله اوى حاجاتك يا ام حازم تسلم ايديكى