ماعاد ودي اروح لاهل زوجي :(
زي ماهو مكتوب في العنوان الله بلاني بأهل زوج يشهد ربي اني كنت داخله عليهم مابي الا كل خير وماقصرت معهم ولا مع ولدهم لكن الان والله احس ماعاد ودي اروح لهم ولا ازورهم هم ناس الله ربنا وربهم من النوع اللي يضحك قدامك ومن وراك يطعنك و جلستهم ثقييله من اول ما تزوجت طول الجلسه ماسكين جوالاتهم وفجأه وحده تضحك وانا افهم انهم يطقطقون علي او على وحده من سلايفي بالجوال واحنا معاهم في الجلسه واطنش وابين لهم انه عادي وتراي ادري وش تسوون وماهميتوني وهم يزيدون حركات تحقير وودي انفجر فيهم بس ماسكه نفسي واضغط اعصابي واتعوذ من الشيطان مابي مشاكل واقنع نفسي انها كلها ساعه وابطلع ماله داعي ارد على تفاهات , غير انه كل ماجيت اروح لهم يصير لي مشكله مع زوجي بسببهم , حاولت اقلل زيارة لهم و اني ما اجلس كثير لكن برضو ما اسلم منهم يتكلمون قدام زوجي اني قاطعتهم ويطلعون كلام علي اني ما اوجب ياويلهم من الله الحمدلله ان زوجي عارفني اني دوم اسأل عنهم وعن اخبارهم رغم انهم مأذيني , عن نفسي لو بيدي خلاص مابي اروح اهم شي زوجي يروح لهم وواصل فيهم وعيالي يروحون لهم انا ودي افتك ماعاد ابي بيني وبينهم زيارات استغفر الله روحتهم احسها ثقيله على قلبي ويبين بوجهي اني ابي اطلع بسررررعه مابي احتكاك معهم كثير للاسباب اللي ذكرتها . وترى هالشعور ما زاد معي الا من فترة لانهم قلبوا علي من وراي وكتبت موضوع عنهم هنا بالمنتدى قبل فترة . ياربي انت عالم بحالي ... ابي افتككككك من الشرررر :(