مشكلتي مع نفسي والرقيه

بنات كيف ارقي نفسي احس استغفر الله بضيقه فضيعه مجرد ما اتخيل نفسي اترقى عندي مشكله كبيره حتى قراءه القران اغصب نفسي عليها

مدري اشفيني حتى الصلاه لو اموت ماقدر اصليبها بوقتها عندي وسواس ذبحني من 14 سنه تعبت كثير

ودورتي مخربطه ولاعمرها انتظمت عندي طول عمري وانا اراجع بالمستشفيات

كرهت روحي كنت قبل كم سنه ارقي نفسي واحاول اجاهد نفسي بس ماقدرت تعبت ولما شفت كل شي مقفل بوجهي زادت حالتي سوء وتركت الرقيه

مدري اشفيني لاصلاه ولادوره ولازواج ولاوظيفه ولا امور حياه ماشيه ومشاكل بالبيت ووسواس وضيقه صدر فضيعه حتى النوم مقدر انا مثل الخليقه كوابيس وصياح كرهت روحي

شاكه بوحده صابتني بعين لان من بعدها اموري تخربطت كثير والمشكله مستحيل اقدر اخذ من اثرها هي بالمشرق وانا بالمغرب واصلا مدري فين ايامها الحين

كيف ابدا ارقي نفسي رقيه وانا مهيئه نفسي من جوا وكيف اغير من نفسي واكابح والله يافيني هموم مايعلمها الا الله

واقدر اتشافى من دون اخذ الاثر افيدوني بتجاربكم وفرجوا على مسلم كربه

14 تعليق 3,634 مشاهدة

شاركي في النقاش

سجلي الدخول لإضافة تعليق.

التعليقات

14
  1. @rhma_allah

    اختي الله رحيم ستفرج ان شاء الله الزمي الاستغفار وارقي نفسك بالفاتحة الله يفرجها علينا جميعا
  2. @agml_mn_shafth_aayny

    حبيبتي الامراض اللي تعاني منها والله يعلم هو عدم زواجك القلق الخوف التوتر الاحباط الاكتئاب كلها اعراض الفشل في الوصول للمبتغى .

    في ناس تصرع وتتششنج عند الراقي وماشاء الله محافظة على صلاتها وبتوقيتها بفضل من الله

    اهم شي اعقدي النيه ان الصلاة هي راحتك وسعادتك وقراءة القران

    لو حاسة فيك عين اغتسلي بالماء والملح بنية خروج اثر العين
    والله يشفيك ويعافيك
  3. @ord_ma_ythbl

    اذا تبغين تقعدين العمر كله على ذالحال لا تغيرين شي خليك مثل مانتي تستجيبين لوسوسة الشيطان. يااختي مافيه شي يجي بسهوله يعني لازم بتتعبين شوي لكن اضغطي على نفسك وخلي القران شغال على طول ابتعدي عن المنكرات وحافظي على اذكارك وصلواتك حتى تتغير حياتك اذا حاولت تعالجين نفسك بترتاحين ان شاء الله وانصحك ادخلي منتديات الشيخ عبدالله الخليفه الي دلتنا عليها الاخت اسوار الله يرزقها الجنه

تابعي تجارب أخرى من هذا القسم.