بصراحة انا كتبت هذا الموضوع في منتدى ثاني لكن ما لقيت اي رد ولا تجاوب قلت خلني احطة في هالمنتدى النشط
نبغى من كل عضو في المنتدى ماشي على برنامج معين في العبادة من تلاوة ورد او قيام ليل او صلاة ضحى وحس براحة ورضا في نفسة يدلنا على برنامجة حتى نشجع بعض على الطاعة ونستفيد انا عن نفسي بديت اصوم الاثنين والخميس احس بسعادة شديدة لاني قدرت اتغلب على نفسي ثم بدات اشجع نفسي على قيام الليل ركعتين قبل الفجر مع كم دعوة الى اللة احس براحة شديدة تنسيني طفش الحر والاجازة ثم بدات اشجع نفسي على صلاة الضحى بس ماانتضمت عليها مرة .احاول اقرا البقرة بشكل منتظم بحيث اخلصها في ثلاث ايام (اسال اللة ان يتقبل مني ويقربني لة اكثر واللة العالم ان قصدي من هالرسالة ليس الرياء ولكن حتى نشجع بعض على الطاعة ونستغل الاجازة بشي مفيد نغتم فراغنا قبل شغلنا ودعواتكم ....انتظر مشاركاتكم بفارغ الصبر وفقني اللة واياكم؟
انتقل الى الاعلى
شاركي في النقاش
سجلي الدخول لإضافة تعليق.
التعليقات
5- الله يجزاك الجنه بصراحه شجعتيني
الله يعيننا وأياكم على طاعته - السلام عليكم
بصراحة فعلا موضوع مهم جدا جزاك الله ألف خير كنت افكر اطرح مثل هالموضوع بس سبقتيني
لكن للاسف مافيه تفاعل ..
اما بالنسبة لطريقتي في الاجازة انا اداوم على صيام الاثنين والخميس من قبل الاجازة
واداوم على الوتر وقراءة جزء او 2 من القرآن وهالايام أضفت حفظ بعض السور بعد الفجر (لان هالوقت ممتاز للحفظ) بديت من الجزء الاخير والله يكرمني واياكم بحفظ القرآن ..اما صلاة الضحى منتظمة بس مو مرة قبل الاجازة كان احسن لاني ماانام الابعد الفجر لكن بالمنبه انشالله نقدر نداوم عليها واحاول قد مااقدر اتجنب التلفزيون لان قبل الاجازة على راحتي يقولون مسكينة وتدرس فما كنت اجلس مع الاهل كثير لكن بعد الاجازة ؟؟ ماوراي شي يعني مالي عذر
وفيه فكرة اتمنى أنفذها وهي البحث عن المواضيع النافعةفي مجلات او كتب او منتديات اخرى ونشرها بالمنتدى وانشالله انفذها
و افكر التحق باحد الحلقات او المراكز ..وانشالله الاقي من يوديني
وحاولي تذكرين خواتك واخوانك وصديقاتك بصيام الاثنين والخميس وغيره عشان تحصلين على الاجر سواء بالكلام او برسالة جوال <<< اذا كنتي تستحين مثلي
جزاك الله ألف خير أختي بذرة الحنانوجعله في موازين حسناتك والله حبيتك من كل قلبي
واتمنى اني اتواصل معك عشان نحمس بعض خصوصا في الاجازة .. *فراشة* السلام عليكم بصراحة فعلا موضوع مهم جدا جزاك الله ألف خير كنت افكر اطرح مثل هالموضوع بس سبقتيني لكن للاسف مافيه تفاعل .. اما بالنسبة لطريقتي في الاجازة انا اداوم على صيام الاثنين والخميس من قبل الاجازة واداوم على الوتر وقراءة جزء او 2 من …
عزيزتي رشة عطر ياللة ابدي معانا من اليوم ولا تخلين الشيطان يوسوس لك ويقول لك خلية بكرة بالعكس اذا سمعت شئ من داخلك يحبطك سوي العكس
حبيبتي ذكرى الغرباء توقيعك مررة حلو رائع
اختي فراشة يللا نبدأ ايش رايك نضيف عبادة جديدة اليوم اننا نخلي السبحة قريبة مننا وكل مافضينا نقعد نسبح وبالنسبة للحفظ قريت في احد المنتديات انك لو تحفظين بعد كل صلاه 3 سطور تخلصين في اليوم صفحة كاملة- بارك الله فيكن اخاتي على طرح هذا الموضوع
و يا ليت تعطوني افكار لكيفية شغل اوقات الاولاد فيما يعود عليهم بالفائدة طبعاً ما يبون دورات لانهم ملوا من الدراسة و يبون يرتاحون في الاجازة من هم الدراسة شوي
يا ليت اللي عندها اي فكرة تطرحها
و بارك الله لكم في اوقاتكم - السلام عليكم ورحمة الله وبركاته
جزاك الله خير أختي بذرة الحنان ,
كلامكم يا بنات شجعني وخلاني أجدد النية والله يوفق .
عندي سؤال بالنسبة ( للسبحة ) :
هل استخدمها الرسول صلى الله عليه وسلم ؟ أو أحدا من الصحابة رضوان الله عليهم ؟
الذي أعرفه أن التسبيح يكون بأصابع اليد و الله تعالى أعلم ,
كل ما قصدته هو حسن تتبع السنة و نبذ مالم يرد فيها .
مواضيع مشابهة
تابعي تجارب أخرى من هذا القسم.