ضايعه وابي احد ياخذ بيدي للطريق الصح

السلام عليكم ياحلوين
اخباركم واخبار همتكم
الله يسعدكم ويجزاكم الجنه
انا طمعانه بمساعدتكم لي ياحلوين
انا ام ل ٥ اطفال اكبرهم عمرها ١١ واصغرهم عمرها شهرين وانا عمري صغير بس احس اني عجوز مع اني مادخلت ال ٣٠
الله يحفظهم ويهديهم ويقر عيني بهم
مشكلتي زوجي يقول انتي ماتهتمي بالبيت ولا بالعيال
طيب وش لون اهتم
اطبخ وانفخ وارتب وامسح واغسل
تعبت انظف البيت وما ينظف
تعبت اعلم بناتي الاشيا الزينه والسنعه وما يسوو اي شي من اللي اقوله
بنتي الكبيره تحب العناد ولا تسمع كلامي
اسلوبي غلط مع زوجي ومع عيالي بس مصارخ
ماعندي اسلوب بالتربيه الا الصراخ واحيان الضرب
انا عارفه ان الغلط مني الله يسعدكم ساعدوني
علموني السنع
مدري وش ابي بالضبط بس ابي اتغير قبل زوجي يمل وعيالي يضيعون
انا سمينه شوي
وبشره وشعر معدوم
اقولكم مدري وش ابي بس ابي اتغير
ابي اغير اسلوبي مع زوجي
ابي اكون قريبه من بناتي
لا تقولون بالنت وتعلمي منه عجزت وانا ادور ولا استفدت شي
اللي تحب ترسل لي شي بالخاص حياها
الله يرزق اللي تساعدني ما تتمنئ بالدنيا وبالاخره ربي يرزقها الفردوس الاعلئ
بانتظار نصايحكم ياحلوين

11 تعليق 2,620 مشاهدة

شاركي في النقاش

سجلي الدخول لإضافة تعليق.

التعليقات

11
  1. @ktoh_bydaaa

    اولا ابدأي من نفسك لأنك ماراح تعطين وانتي ناقصه بعين نفسك . . 
    يعني أهتمي بنفسك شوي مو لازم بكل شي المهم يكون جسمك ناعم مافيه شعر .،يعني تشيلين شعر جسمك كله . . وبعدها حددي لشعرك تسريحه تريحك والا قصه يمكن محتاج قصه تريحك من اطرافه . . 
    البشره اذا كانت دهنيه أفركيها بعصير ليمون وأغسلي وجهك بمويا بارده وحطي مسكره وشوي كحل وروج خفيف . . 
    وبعد كذا عيالك راح يلاحظون التغير وراح يسألونك وانتي جاوبيهم أنهم هم السبب لأأنهم يساعدونك ويحبونك . . 
    راح يثقون بأنفسهم وانتي كلما بغيتي تصارخين تعوذي من الشيطان . . 
    الشيطان حريص ان بيتك يهدم خليه بين عيونك دايم وأكثري من الاستغفار  بيقين ان الفرج بيد الله والاذان بصوت مسموع بالبيت . . 
    ولاتنسين تدعين لنفسك باوقات الدعاء . . 
    .
    .
    أكرر ما راح تعدلين اللي حولك وانتي محطمه . . قوي نفسك وبعدها راح تقدرين تعطين . . 
  2. @dyrty_shmran

    اختي الله يعينك ويصلح عيالناوعيالك يارب والله كلناعلى ذالحال بس نقاوم الحياة والتعب نصيحة ي اخيه اكثري من الاستغفار ولاتنسي وصية الرسول عليه الصلاة والسلام التسبيح قبل النوم والله ييسرأمورك ويساعدك
  3. @ahhhbk_khalky

    امسكي ورقه وقلم واكتبي اهدافك بوضوح وخطوات الوصول لها وخلي هدفك الاول رضاالله مثلا اداء الصلاه اول وقتهاوالنوافل والخ

    ثانيا نفسي سوي لك نظام غذائي معتدل وامشي لونص ساعه في اليوم وكل يوم تحممي وافركي جسمك بليفه او ضنفره واشربي ما كثيير وحددي ساعه في اليوم روقي فيها وسوي هواياتك والخ

    ثم زوجي اولادي بيتي وكذا ابدأي شوي شوي والله يقويك اتركي الكسل والتسويف لا يروح عمرك وبعدين تندمين

تابعي تجارب أخرى من هذا القسم.