ملفنا السابع لاستشارتنا المطبخيه

فعلا ياأماني الكريمة ده طعمها أحلى وكمان تقيييييله جدا عن العادية
طيب إنتي بتجيبي السايبة منين والكيلو بكام





امانى انا عندى قطاعة التوم دى ولا ليها اى لازمه ودوخت على ما لقيتها وجبتها غاليه من 4 سنين بحاجه وثلاثين كده هى تقيله وملهاش اى لازمه عشان التوم بيلزق فيها وانتى بتدوسى وبتظطرى تطلعيه منها بصوابعك وبيبقى قطع مشرشرة كده بس والجزء ايلى بيتفرم من التومه قليل جدا مش عمليه اطلاقا اتمنى تكونى فهمتينى احسن حاجه للتوم عن تجربه

دالكبه الصغيرة مولينكيس او براون او كينوود وتفرميه بشويه ملح كويس هيفرم جدا ويبقى تحف
اوعى تكونى عاوزة تخزنى توم فى الفريزر ده يبهدله ريحه فظيعة

مها
اذيك كنتى فين
شيف محمد فوزى راح الحياة طبعا مش هتشوفيه هناك ههههههه
انا مش باشوف اى شيف ولا بتابع التى فى خالص

فراشة اااذيك وحشانى
بصى ممكن تستخدمى جيلى الموز بديل عن الجيلاتين
وهبص لك على الجيلاتين ده فى سبينس واقولك
انا بادور على ورق كب كيك حلو زى ايلى بتعرضة الشيف لطيفة فى فتكات لو شوفتيها
ومحدش يعرفه فى كارفور او سبينس
وايلى بيتباع فى محلات البلاستيك وكده وحش جدا
دوخت عليه وجوزى مش هيرضى يودينى ماركاتو عشانه مخصوص
انتى بتجيبيه منين


شوفي يالولي أنا كيكة اللبن السخن ده كيكة الزنقات
لكن كيكة التورتة غيرت لطريقة سريعة برضو ونتيجتها تححححححححفة
والسويسرول ليه مقادير تانية بس بجد تلفيها ولا تتكسر أبدا وحتى بعد ماتبرد خااالص
ساعة روقان كده هكتبلكم المقادير معلش
وبالنسبة لورق الكب كيك جبته مرة من الهواري اللي في ميدان لبنان ومرة من المحمل في الهرم

انا زعلت اوى يا ايمو
لما لقيتك تخليتى عن كيكة اللبن الساخن تصدقى انى حبيتها وصممت اتعلمها من تشكيرك فيها
طب مستنين جديدك يا قمر
يمكن فى حاجات احسن من كيكة اللبن الساخن
عاوزين مقاديرك المعتمدة للسويسرول لانى عملته واترمى كذا مرة
وقدرة قادر اعملها باى طريقة
واخيرا معلش كيك التورتةالمعتمد ليكى
اما تفضى خالص ابقى قولى لنا لو وقتك يسمح
وميرسى حبيبتى ربنا يجعله فى ميزان حسناتك

السلام عليكم

صباح الخير يا بنات
معقوله يا منى الفرامه دى مش عمليه قبل كده شكرت فيها كل البنات هنا وكمان بشوف منال العالم على طول بتستخدمها بس تعرفى هيا تنفع مع التوم الستورد الكبير مش التوم البلدى بتاعنا الصغير انا بصراحه جبت كذا واحده بس مش نفس النوعيه الاستانلس التقيل بصراحه كانو فاشلن وزى ما بتقولى كده التوم بيلزق ومش بيتفرم كله وحبه قليلين جدا اللى بيتفرمو ناعم بس كويس انك افادتيني بخصوصها اما بالنسبه لتخزين التوم جربت كذا مره وبصراحه لاقيت نفسى مش محتاجاه بيفضل كميه فى الفريزر لحد الموسم التانى ولونه بيتغير جربت كل الطرق غلبه وقريت انها غير صحيه وعلى ايه مفيش احلى من االفريش ساعة الاستخدام وخلاص
ايمى بالنسبه للكريمه احنا هنا عندنا محلات لبيع مستلزمات الحلوانى بس بصراحه بتبقى اغلى من القاهره فلما بنزل بجيب من درب البرابره اللى فى اول شارع الجيش وفى واحد فى مدينة نصر
تعرفى جربت طريقتك فى عمل اللحمه المفرومه بطعم البسطرمه وعلى وش البيتزا كانت رهيبه منتظرين الجديد من وصفاتك ربنا ما يحرمنا منك يا جميل
مها ازيك وحشانى اوى يا مهموهه يارب تكونى انتى واسرتك بخير طمنينى عليكى دايما حبيبتى بالنسبه لشيف محمد فوزى شوفته على قناة الحياه بدل الشربينى بصراحه عجبتنى وصفاته وفى صفحه على الفيس اسمها المطبخ بتنزل الفديوهات بتاعته وعه لو عايزه تتبعيها

صباح الخير يابنات
اذيكم
وحشتونى
مها
وحشانى جدا ومايقتيش بتشاركى كتير هنا ليه وتنزلى صور تنشطى الملف شويتين انتى روح الملف والله
فراشة
فينك ويك اند سعيد مستنيه وصفاتك على احر من الجمر