اهمال امي لي هدم حياتي الماضيه والحاضره تعبااانه>>استوفي الردود

انتي انسانه رائعه
صبرتي وحفظتي نفسك ياه كم احترمك
اولا بالنسبه لخواتك عز نفسك تلقاها لاترمي نفسك عليهم والي مايبيك لا تبينه مو تقطعيهم لا عاكليهم بما يرضي الله ولا تهتمي فيهم
ثانيا الدراسه ترى مافي شي يكمل هذا انا شهادتي عاليه بس مامن زوج ولا اولاد واتمنى الامومه والزوج يعني الارزاق توزع وانا اختك
ومثل مالشهاده عز ورزق ترى الزوج الصالح ينشرى بالذهب لو يحصلي اتخلى عن شهادتي لزوج يحترمني لاسويتها
لا تخلي الماضي يخرب فرحتك الحاليه خلاص اختي راحت سنينك بهم وغم عيشي توك شباب عيشي الثلاثينيات وافرحي مع زوجك
ادخلي مدرسه ليله قولي لزوجك عادي مافيها شي ادرسي وكملي العمر ماله حد والعلم ماله حد
البسي اكشخي استانسي واقري كتب وطوري من نفسك ساعتها بس بيحترمونك الناس لانك اصلا بتحترمني نفسك

يا عمري الله يعوض صبرك خير والله يجزاك خير على برك بجدك صدقيني انتي الله بيوفقك من رايي عادي صارحي زوجك انك ماكمتي دراستك وكملي دراستك وحاولي انتي تتقربين من اخواتك وطوري نفسك ادخلي دورات واقري الله يوفقك يارب

قصتك مؤلمه جدااا وبكيت معها مره
الله يسامحها امك
بس فيه حاجه محيرتني صح انه ماضي وراح وماينفع نتكلم فيه
بس امك يوم تركتك عند جدتك من باب البر
وانتي طفله صغيره ليش ماجابت شغاله تخدمك انتي وجدتك
وعيشتك احلى عيشه
وليش كانت تقعد سنه ماتجي تشوفك
كنتي تنامين ماسكه يدها وتصحين ماتلاقينها
كيف قدرت تصبر بعد هالموقف كيف ماجتك راجعه
ليش مو كل خميس وجمعه وهي عندك وفي الاعياد ماتترك ابد
ليش ماعيشتك مثل مستوى خواتك جوال ونت وملابس وتجيك محمله هدايا
ليش ماعطتك جوال تكلمك كل دقيقه وثانيه تطمن عليك
ليش يوم درت ان جدتك منعتك من الدراسه ماقومت الدنيا وقعدتها
وخلتك تكملين دراستك ومافيه شي يوقف في طريق مستقبلك
ليش اذا جو في الاجازات مايعوضونك يطلعونك ويمشونك
ليش كانوا اذا راحوا يتمشون لابها ومكه ومافكروا يمرونك ويقولون والله لنا بنت لازم ناخذها معنا
يعني اذا كانوا قصدهم يخافون جدتك تقعد لحالها طيب ياخذونها تتمشى معكم
واذا رفضت تروح الله لايهينها وحده من خواتك او امك تقعد عندها لاحد ماترجعون من السفر
ابفهم رموك عندها من باب الرحمه
بس ليش شالوا يدهم منك ماكانك بنتهم لاسفريات ولادراسه ولاملابس ولا حتى حنان
وتخلوا عنك وانتي بحاجتهم
صراحه بعد وفاة جدتك
يوم جو ياخذونك كان رفضتي تروحين معهم
كان قلتي
تركتوني قبل عشرين سنه وانا طفله صغيره كنت بحاجتكم
والحين جايين تاخذوني بعد ماكبرت ماني بحاجة احد
تكفين اذا واجهتي امك قولي لها خليتيني من باب الرحمه
بس ليش رفعتي يدك مني ماكاني بنتك واجهيها
تكفين خليها تجاوب على تساؤلاتي يمكن ترتاحين اذا عرفتي ليش صلحت كذا
وبالنسبه لدراسه كملي دراستك
الدراسه مالها عمر محدد
اعرف بنات صغاراعمارهم بالعشرين معاهن شهادة الابتدئيه وهن تاركت الدراسه مايبغن يكملن
ومتزوجات ومافكرن يكملن دراستهن
وعايشات احلى عيشه
يعني لاتحسبين بس انتي الي ماكملتي ياكثرهم الي تاركينها ومافكروا يكملون
ومتزوجات وحياتهم ماشيه
الله يوفقك ويسخر لك زوجك ويبرد على قلبك

اووووووووووووووووووووووه والله ماقادرة اكتبلك من البكا انتى بطلة ربى يعوضك بزوجك والذرية الصالحة يارب واستعينى بالله علشان تنسى الماضى واستمتعى بحياتك

فعلا ليه ماتواجهينها هذي ام والله فعلا اتوقع قاسيه الاخت اللي فوووق قالت نفس اللي بقوله
ليه ماجابت لامها شغاله اللي هي جدتك

يعني انتي صرتي كبش فداء لامك اللي ماتخااف الله
لاتزعلين الامهات مايصبرون عن بناتهم
امك اتوقع ماتحبك ولو انا منك لاواجهها ليه تركتيني شغاله عند امك
وانتي عشتي حياتك انتي وخواتي وظلمتيني
ولو انا منك ما ابرها لانها ماهي ام لكن امك وابوك لو ترفعين عليهم قضيه بحقوق الانسااااان وتطلبين تعويض دمروا حياتك
وخلاك تعيشين طفوله بائسه
الله يعوضك بالجنه يارب