اهمال امي لي هدم حياتي الماضيه والحاضره تعبااانه>>استوفي الردود

امين يااااااااااااااارب والله يعوضك بالجنه
الدراسه امر محلول
لكن امك لابد من مواجههتها لانها تراكمات نفسيه تجمعت عليك لازم تواجهينها وبشجاعه
وتسالينها وتوبخينها على اهمالها
وتبدين صفحه حلوه جديده بحياتك ومع زوجك وتكملين دراستك والله يسعدك امين ويبرد على قلبك

بتات سالتوني عن دور ابوي

انا يا اخواتي رديت على هالسوال
وبرجع ارد

انا يوم انا طفله وامي قررت تخليني عند امها ما اعرف وش كان رد ابوي

هل عارض او وافق ما ادري

بس اللي. اشوفه الان ان ابوي ماله شخصيه ابداااا

امي اللي تمشيه ع كيفها

يمكن لو كانت شخصيته قويه كان ماسمح لامي تفرط فيني

اه ياقلبي عليك ..
بكيت يوم قلتي نمتي وانتي ماسكة يدين امك وقمتي الصبح مالقيتيها
مدري اي قلب تحمل هالام!!
الله المستعان ..
بس اقولك سامحيها عشان لاتخسرين حياتك الجاية وتعيشين في قهر
اطوي صفحة الماضي باللي فيه

وانا من اسلوبك اشوف انك ماشاء الله واعية وحكيمة طوري نفسك بكثرة القراءة في كل ماهو جديد ابهري زوجك بثقافتك واطلاعك وخليه يوم يشوفك كذا يفهم ان الشهادة مو كل شئ وكملي تقدرين العمر قدامك..كلها 6 سنين متوسط وثنوي وبعدها 4 سنين جامعة اذا تحسين انها ضرورة لك كاثبات وجود

والله يوفقك ويسعدك

يارب يه وش هالام تكفين حسبي الله ونعم الوكيل طيب صارحتي أمك هذا موضوعك إرسليه لامك وخواتك تبر أمها علي حساب بنتها ليه المشكلة تفاوت كبير بينكم الله يصلح الحال ويسخر لك يارب

لاحول ولا قوة الا بالله العلي العظيم اي قسوه هاذي الي في قلب امك الله يسامحها بس باذن الله اجر صبرك عند الله مايروح كل ماتذكرتي الماضي احتسبي الاجر عند الله ادري انك عشتي حياه قاسيه جدا لكن ماتدرين يمكن كان وجودك عند جدتك خير الله رايده لك الله العالم وكل منا له اقداره ولازم نرضى ونصبر في هالدنيا وبالنسبه لدراستك ان شاء الله تقدري تكملي في مدارس اسمها تعليم الكبيرات بإذن الله تنقبلين فيها دوري بالنت واسألي عن المدارس هاذي بالرياض انا الي اعرفها بالمدينه وبالنسبه لاخواتك في مثل اعرفه ماباعك بيعه ولو كان غالي
صح هم خواتك وانتي فرحانه اكيد بيهم لكن هم علا كلامك مايتقبلونك عامليهم باحترام ولا تحسسينهم انك تتضايقي من تصرفاتهم عامليهم بما يرضي الله ودايم احتسبي اجرك عند الله وان شاء الله لمن تكملين دراستك تتعرفين علا بنات يكونون اكثر من اخواتك فكري في سعادتك مع زوجك لكن في نقطه عجبتني فيكي انك ماشكيني لزوجك وهاذا افضل شي سويتيه لاني جربتها وللاسف راح ينظرلك بالضعيفه الي مالها ظهر او سند ونفس الشي اختي وقعت فيه باسم الحب الوحده تفتح قلبها وتندم بعدها وماينفع الندم عشان كذا عجبتني جدا هاذي النقطه فيك وهاذا دليل علا رزانتك وذكائك ماشاء الله عليكي وكل الي اقدر اقوله الله يعوض صبرك خير ويحققلك كل امنياتك وانصحك لاتفكري كثير في الماضي تراه يرهقك ويتعبك فكري في يومك وتراها دنيا دنيا مهما صارلنا فيها كل شي حلو فيها (وسخ دنيا) علا قولة الناس خلي نظرتك ايجابيه وانسي الماضي واحمدي الله انه عوضك بزوج طيب علا وصفك له نادر تلقين رجل في هالوقت (قلبه طيب)