&~* الـــزوجـــات الأولــيــات ... حـــيــاكُــنْ الله *~&

والله يا اخواتي اني قد تجرعت منه الالم والقساوه كنت ارجع من المدرسه تعبانه هلكانه يرفض طبخ الشغاله
اجي انا اطبخ واذا حطيت الاكل يكبه على السفره ويقول هذا اللي تقدرين تسوينه
مهما سويت مايعجبه مهما بحثت عن الكمال واهتميت بنفسي يجلس يعلق عليه تعليقات تقهرني
عقدني من اشياء كثير بحياتي حتى عيالي لاعب في نفسياتهم خصوصا الخمس السنوات الاخيره
من يوم بدا يخطب ويدور وهو منكد علينا مادري يبغى يهيا لنا الجو وعلى باله بالطريقه هذي مانقدر نقول شي
ونصير خايفين منه حتى اخوي قبل فتره يوم خطب قبل هذي تكلم على اخوي وغلط عليه ومن هذاك اليوم لهذا اليوم هو واخوي مايجتمعون بمكان واحد وش اقول ووش اخلي محروقه محروقه الله يهونها عليه ويفرغ على قلبي الصبر وطولة البال

السلام عليكم ورحمة الله وبركاته
اهلا وسهلا فيكم اخواتي الملكات الغاليات
كيف الحال عساكن بخير وعافيه
اللهم ادم على اخواتي الملكات نعمك الظاهره والباطنه وارزقهن من واسع رزقك يارزاق ياوهاب امييييييييين يارب

الله يجبر كسر قلبك اختي والله حاسه فيك الله يسخره لك ولايحرمك الاجر على العناء اللي انتي فيه مالك الا الصبر والجوء لله في محنتك وربك رحمان رحيم لطيف بعباده المستضعفين
لا ن الانسان عند المحنه يكون في اضعف حا لاته
اصبري واحتسبي وانا من رأيي انك ماتقولين انا سويت وحطيت خصوصا هذي الفتره
والله يكون معك انت ببداية المشوار خليك مع ربك واستعيني فيه وما راح يخيبك

ياختي لاتجلسين تتحسرين على نفسك واللي سويتيه احتسبي كل شي عند الله وماراح يضيع وبعدين الغلط اننا نحكر انفسنا ونفسيتنا لهم وعلى هواهم اصلا ماعليهم شرهه لما يشوفون انفسهم لانهم حسو انهم كل الحياة انا مثلك احيانا اضعف واقول ليش انا سويت وتحملت وضحيت وبعدها ارجع اقول استاهل لان كان مفهومي غلط انتي ذلحين تقعدتي علشان تجلسين جنبة وترضينه وتفكرين ان التقاعد راح يثنيه عن فكرة الزواج وانصدمتي انه سوى اللي في راسه علشان كذا غيري فكرة الهدف من التقاعد بدل ما يكون هو الهدف خلي نفسك وعيالك الهدف من التقاعد اهتمي بنفسك من الليله مو من بكره واشغليها بكل ما يسعدك انتي واولادك ودام تعامله معك كذا تغيري اهتمي بنفسك لنفسك وتشوفين كيف ترتاحين لاتقولين بتغير له خلاص شيليه من راسك الا بما يرضي الله وهذا درس لك علشان تصحين لنفسك وعيالك خليه يروح مع السلامة وابدائي حياة جديده وترا سعادتك ماهي بيده هي بيد خالقك اطلبيها من الله عز وجل وراح تشوفينها خليك مستقله عنه الحمد لله انتي في خير دام معك راتب تقاعد وهو خليه يروح ما تدرين الخير في طيات هذه المحنه الله يصبرك ويصبرناعلى هواء انفسنا لاتفكرين ااننا ما نضعف وتجينا حالات ننتكس فيها بس نستعين بالله ونستعيذ من الشيطان ويسير المركب بإذن الله والحياة ما خلقت لنا من غير هم ووصب ومن تجربتي ان السعادة بيد الله ثم بإيدينا لكن لازم نتغلب على انفسنا ونحارب هواها ونطلب الصبر والعون من الله لاتفارقين السجادة والدعاء ودموعك غاليه وجهيها لله هي من باب اولى تكون لرب العزة والجلال الله يرزقنا الصبر والاحتساااااب