&~* الـــزوجـــات الأولــيــات ... حـــيــاكُــنْ الله *~&

اااااااب

اخواتي اللي ردوا عليه (فطوم وام الفضل ودلال رسلان واحلى اريام) جزاكم الله خير ورزقكم فوق ماتتمنون كلامكم ريحني شوي الله يجبر مصابي في اشياء كثير تجمعت عليه مره وحده وفاة اخوي وبعده امي واللحين زواج الرجال وقسوته
ولدي الكبير يقولي يمه انا بثني ابوي عن زواجه والله ماخليه يعرس بس اسمحي لي حلفت عليه مايسوي شي وقلت انا غضبانه عليك دنيا واخره اخاف يسوي شي شين من وراي وقمت توضيت وصليت وجلست معهم مابغى اخوفهم والا يحقدون على ابوهم يوم يشوفوني كلمتني اختي وقالت ولدك الحمدلله يسوق وصار معه رخصه ووراتبك بتنزل استغني عنه بكره لاتزوج اطلعي وسافري انتي وعيالك لاتبقون مكان وهو طز فيه اسحبي عليه ولاتسالين فيه وتمتعي بباقي حياتك بعد سنين الدوام والسيطره من زوجك اعتبري زواجه باب حريه ووناسه وبيرجع لك
هونت عليه بكلامها كثير الله يبرد حرتي ويجعل زواجه فاتحة خير عليه وعلى الضعوف عيالي
وكلت امري لله وحده

ميلاد كلمات الله يصبرك ويعينك ولكن أختي مثل ماقالو الاخوات لاتجعلينه همك وهدفك في الحياه أختي أنتي مشاء الله عندك ولدك يسوق الله يخليه لك ويطول بعمره وعندك راتب يعني بتستغنين بأذن الله عنه فلا يخذلك الشيطان بالوسواس وتجيك الامراض والنفسيات عشان رجل مايستاهل وهو الي راح يتعب ويستاهل وصدقيني ياأختي وكل الاخوات يالرجل كل ماكبر انه يصير عله وغثى والوحده تبغى تنفك منه وتنبسط مع عيالها ومن واقع تجربه شوفو الحريم الكبار الي أزواجهم متزوجين تلقون الاوله مع عيالها من ديره لديره ومبسوطه وأذ أجتمعو عيالها ياخذزن راحتهم مافيه شايب يصيح على المويه والمبات وهذ ا حال الرجال اذ كبرو ومايروح فيها الالثانيه مايتحرك مرض ونفسيات ولاتقولون ازواجنا موكبار الا كبار عطيه عشر سنوات اقل او أكثر بقليل وهو من الشيبان فوسعو صدوركم وقولو الحمد الله والله يكتب الخيره والله ياأخوات ان جارت أهلي تزوج عليها زوجها بغت تنجن تبكي وتتشكى وهو كان شديد عليهم مافيه مسايير ولاروحه ولاجيه وبس تزوج خذت راحتها والله انها كل يوم تسيير في بيت وتعزم وانبسطت وتقول الله يسقي هذاك ايوم ليته تزوج من زمان وارتاحت للاخر وحريم كثير نفس الشي

انا اليوم متضايقه صايرة اتذكر كثير اول مابدت علاقة زوجي بخطيبته
وافكر في بكره كيف لاتزوج من بيكون معي مين يبوقف معي اذكر مرة قلت له انت بتتغير علي لاتزوجت وجاك عيال وانا ابي اشوف عيالي قالي هي خليها تجيب لي العيال وانتي يكون لك الدلع لكن للاسف ماحصلت اللي قال عنه وهذا وماصار شي حارمني من اشياء كثير وهي موفرها لها ويحسبني ياغافلين لكم الله مع كذا صابره ومحتسبه هي مو موجودة في السعوديه تخيلوا اذا سافر لها حتى السماعه ماارفعها عليه عشان ماازعجه وهو متى مافضى اتصل علي او راسلني وهي اذا جاء عندي تحاول تاخذ اكثر وقته سوا بالواتس ولا بالمكالمات انا ماانكر انه من يوم طالت مدة ملكتهم تغيرت اشياء كثير بس ابي زوجي يرجعلي ابي حياتي اللي قبل ترجع اليوم وانا جالسه ارتب غرفتي طلعت البطاقات اللي كان يكتبها لي مع الهدايا وربي بكيت لان حياتي معه كانت من احسن مايكون
حسبي الله ونعم الوكيل على من كان السبب بتغير زوجي وحياتنا حسبي الله ونعم الوكيل

السلام عليكم

كيفكم ملكات

اشتقت لكن حيل يشهدالله انكن على بالي ومانسيتكن ربي يسعدكن


صح حبيت ابشركن تم قبولي مبدئياً بالماجستير وكانت اليوم مقابلتي

دعواتكن يالغاليات