انتصف الطريق في رحلتنا المميزة التجمع الثامن لمواليد سبتمبر واكتوبر

مرحبا

بدايه الف مبروك ربي يتمم لك على خير يارب وأهلا فيك بالفريق الأزرق ترى حتى هنا في افرقه ههههه



الرويناء

الف سلامة عليك

هههههههه ياحبي له وه ياربي والله الكلمه تذوب القلللب

بس اسمعي مني جربي الطريقة جيبي الكرسي بالمكان اللي تقعدون فيه بالصاله مثلا

وفترة العقاب ممنوع احد يتكلم معه

لحتى يستوعب ان تصرفه هذا خطاءة ومايتكرر

وان شاء الله تزبط معك

بالتوفيق معه

فديته والله بصير صديقي فديته :pinklove:

حبيبتي ورد بنفسجي الله يحنن قلبه عليك

حاسة بك

بس اأنا اشوف الرجال لايحس ولايفهم يبغى الحرمة امامه ريبوت بس تشتغل بدون

شكوى او ملل

وكل شيء امامه يبغاه تمام ماناقص شيء ويبغى كل شيء يطلبه يجيه من يدها يحس له طعم ثاني

أنا والله اكون متعبة ويطلبني مثلاً كوب شاي عاد أنا الأنثى الوحيدة بين اربع ذكور ماشاء الله فمعلمه

اولادي كم طبخة سهلة وبسيطة يعرفو يسو شاي وحليب يقلو بيض او يسلقو اندومي يعني

مرات يطلب مثلاً كوب شاي اقول لولدي حبيبي قوم سوي لبابا شاي تعبانه دحين اولادي ماشاء الله مايقصرو ا

احيان واحيان بتملل مني يقومو رجال عاد مايخدمو بالطيب

فهو عاد يتشرط يقول لا ما احس له طعم إلا من يدك رغم أن عيالي ماشاء الله فاهمين بس عناد فيه

فزوجك يبغى يشوف كل شيء منك اكله وشربه وملابسه و..و..الخ

هو صحيح ماطلب شيء كثير غير انه يدخل يشوف بيته مرتب ونظيف عشان يرتاح وتقدرو تجلسو مع بعض

براحة نفسية


فأنت معليه ياعمري اليوم بس اضغطي على حالك تنظيف اليوم وخلي بناتك زي ماقالت وحدة من الأخوات

يساعدوك وعلميهم أنا علمت عيالي في الأول زوجي يقولي رجال ليه يدخلو مطبخ ! يبغى كل شيء يرميه عليه

قلتله الرسول عليه الصلاة والسلام سيد الرجال وكان في عمل اهل بيته

وبعدين محد يدري كم بعيش فخلي الأولاد يتعلمو يتحملو مسؤلية ويتعلمو على الأقل ينفعو نفسهم

في اكلهم وشربهم محد يدري بكرة مخبي ايش يكبرو ويسافرو بعيد عنا لدراسة او عمل على الأقل

يكونو فاهمين يعتمدو على نفسهم , ماشاء الله عليهم ربي يحرسهم الحين يكوون ملابسهم إذا طلبتم منهم

وأنا مشغولة يساعدوني ربي يصلحهم مايقصرو ,

أنتي شكلك تدللي بناتك البنت معروف تكون افهم من الولد في هذي الأمور بالفطرة حتى لو صغار مايقدرو

يغسلو صحن او قدر معاك او يكنسو , على الأقل يرفعو ملابسهم من الأرض يشيلو العابهم يشيلو اوراق الأكل وبقاياه

وكمان قلتلك اظغطي على نفسك المرة دي وبعدها أول بأول نظفي ,لو في البيت تعاون على الأقل كل واحد

يشيل هدومه ويرفعها ويغسل صحنه مافي شيء بيتراكم , بس هم رمو كل المسؤولية عليك وأنت الحين

حامل انتي بحاجتهم ,ففهيميهم انه لازم نتعاون على الأقل فترة وحامي وحملي لأن الحمل معروف

تعب نفسي وجسدي حتى بدون مايكون هناك شيء مجهد ومتعب .

فالرجال زي ماقالولك مايعذر , ويبغى يرتاح ببيته وهذا من حقه ,بس انتي شكلك ماتفهميهم انه ساعدوني

محتاجة مساعدتكم , تأخذي منه كم كلمة وسكت ورحتي تبكي .

لا حبيبتي لنا في رسول الله صلى الله عليه وسلم قدوة حسنة

الرسول كان يحلب شاته وينظف مع اهل بيته وإذا اراد شيء يخصه مايطلبه من احد كان يقوم ويأخذ غرضه

رغم أنه الرسول لو طلب ماحد كان رفض له طلب عليه الصلاة والسلام , فقولي خلاص ساعدوني اقل

شيء بأموركم الخاصة حتى لو أشياء بسيطة .

ولو اموركم المادية جيدة وتتحمل عبئ شغالة زي ماقالو لك البنات خذي وحدة بالشهر

تجي كل يوم الصباح تنظف وتمشيء وأنت الظهر تصحي وتسوي الغداء والعشاء وأنتي مرتاحة لأنك شايفه

البيت نظيف ومرتب يفتح النفس ,حتى كره المطبخ بيروح وبكذا صحون العشاء والغداء مابتكون كثيرة فتجي

الشغالة اليوم الثاني وتغسلها وتغسل المطبخ والحمامات وأنتم بكرامة . وإن شاء الله امورك تزين.

او انتي اعمليها أول بأول عشان ماتتراكم والله يسعدك ويخفف عنك ويحنن زوجك عليك

التوفي

امشي على الحسبتين السونار والدورة

الرويناء سلامات

شيء طبيعي دوخي وتتعبي مع قلة الأكل , البيبي أخذ حاجته الأكل البسيط اللي اكلتيه اخذه , وأنت ولا كأنك اكلت كذا بالمرة


بداية / مبروك حبيبي يرزقك بره وصلاحه