لكل منقطعه عن الدراسه وحابه تكمل

الله يوفقكم كلكم ذكرتوني بنفسي
انا في سنه 1432 قررت اكمل دراستي بعد انقطاع 5 سنوات وكان عمري 21 تقريبا او 22
وكنت كل سنه ااجلها واستصعبها مرررره وكنت خايفه جدا ومرعوبه كيف باوفق بين بيتي والزوج والاولاد و الدراسه
بس سبحان الله تيسرت وماني مصدقه اني الان ماشالله باقيلي شهر ونص واتخرج من الثانوي باذن الله
وان شالله ربي ييسرها لي واكمل واخلص الجامعه باذن الله واحقق حلمي
احس اني عايشه حلمي الان اتمنى اكون شجعت اي وحده تكمل لو بكلمه
في محيطي العائلي قدرت اقنع كم وحده يدرسون وماشالله خلصوا سنه والان في الثانيه وحده منهم لها 20 سنه منقطعه
واتمنى منكم تتشجعون وتشجعون غيركم و تمسكون بيد اي وحده خايفه لحد ماتبدا في مشوارها التعليمي
خلوووكم قدوات لغيركم من المنقطعات ولا تخوفون احد صعبه وماصعبه باذن الله تتيسر مع شويه تعب هتوصلووو
بالتوفيق لكم

ونصيحتي لكل وحده تبغى تدرس بعد انقطاع لاتستشيرين ناس كسولين ومايحبون يطورون انفسهم
ولا تنتظرون تشجيع اي احد
ابدؤوا وابهروا الناس وخلوهم يتفاجئون انكم كملتوا ونجحتوا
دراستكم بحد ذاتها يسكت اي احد يشكك في قدراتك
ادرسوا واتعبوا و على قد تعبكم بتلاقوا نتيجه ولاتنسون التوكل والدعاء والبعد عن الطالبات السلبيات خلوكم شعله ايجابيه وتفاؤل

ياللا يابنات باقي شهرين ويفتح التسجيل بجامعة فيصل عن بعد
انا مراات اتحمس ومرات اخاف لان عندي مسؤليات كثييرة بالبيت
بس ربي يسهلها ان شاءالله

انا متخرجه من الثانوي لي ٦ سنوات معي شهاده ثانوي رئاسه

ابعرف شنو طريقه القياس والقدرات وشنو الاشياء المطلوبه

دخلت موقع قياس حصلت ان التسجيل انتهى هل فيه فتره ثانيه اقدر الحق عليها او خلاص طارت هالسنه بلييييز ابي رد علي

أنا ووودي بالدراسة عن بعد بس اللي حولي يقولون شهادتها مالها مستقبل مادري صدق او لا !!! واللي تدرس عن بعد تقدر تحول للانتظام

ياليت ألقى رد لاني تعبت ما حصلت إجابات ل اسألتي