شاركي في النقاش

سجلي الدخول لإضافة تعليق.

التعليقات

2,120
  1. @ryyymooo

    دلوعته25
    هلا ياقمر بالنسبه لفندقك باريس خلاص لاتعدلين عليه شي وعندي فكره اذا مره حابين بريطانيا ممكن تحجزي بشقه سعرها يكون مناسب او فندق يومين بدال اللي تخسريه في الالغاء اخسريه بشقه ببريطانيا مع اني اوويد لك بريطانيا خليها بسفره ثانيه عشان …
    هلا والله بدلوعته ..
    خلاص والله شكلي على قولتك اخليها سفرة ثانيه اذا ربي ادانا الصحه والعمر وكمان انا احس لندن يبغالها سفرة خاصه لوحدها ... انا رحت لندن وانا صغيره ابوي ( الله يرحمه ) كان يتعالج وكمان عمي كان عايش بلندن ملحق عسكري عشان كده رحتها 3 مرات وانا صغيرة .. لندن بالنسبه ليا ذكريات طفولة حلوه ماانساها ابدا آآآه ليت الايام ترجع ... ماادري فجأه قلبتها دراما هههههه

    ايوا وبالنسبه للتاكسي انا ابغاه من دزني الى باريس لاننا حانوصل من المطار على فندق دزني على طول بإذن الله ونقعد كم يوم بعدين نروح على باريس ومانقدر نروح بالمترو عشان الشنط وحوستها بس برضه جبتيها نطلب من الفندق يوفرلنا تاكسي والله يسهلها

    ولكي وللأُخت اللي طلبت واقي الشمس انا استخدم كريم من ماركة ( كلارنس ) مررررره ممتاز بس اطلبيه اللي يكون فيه واقي واحيانا احط واقي الشمس العادي وكمان فوقه كريم اليد
    وواقي الشمس برضه استخدم نفس الماركة

    والله هذي الكريمات ليها ميزانيه خاصه لانها صارت زي النااااار
    يمكن وانا باتمشى في الشانز فجأه تطلع وحده من محل سيفورا وتقولي ربحتي معانا كوبون بقيمة 10000 خخخخخخخ ماعليكي احلام اليقظه

    باقي سؤالين .. ( عارفه طفشتك ) الأول كيف اوصل للحي اللاتيني ومحلات الشاورما عارفه اسم المحطة مسجلتها عندي بس بعد مااخرج من المحطه فين اروح يعني ليها طريق معين ولا المحطه في وسط الحي
    والثاني نفس السؤال بس على مطعم نورا كيف اوصله ( ياريت توصفيلي من عند بيتزا بينو بعدها فين اروح ) بس سلامتك والله يديكي العافيه
  2. @dloaath25

    ان شالله تزورينها لندن وتكرري ذكريات الطفوله


    والله الحي الاتيني مارحنا له كان نفسي اروح عشان محلات الشورما;(


    نورا مدري احس ما بعرف اشرح لك

    هو مو علي شارع الشانزلزيه

    من عند بيتزا بينو تلفين تدخلين علي الحاره وتمششششششششششين وتمششششين بعدين يجيك مطعم نوره بالوجه في اشاره تقطعي الشارع وتروحين له

    بنات اذا في وحده تقدر تساعدنا بالوصف او يكون وصفي غلط النجده لاني نسيت بس تسعين بالميه هذا الوصف
    اطلبي ريش وكليها عني:)

    حبيت الريش حقته

    في كمان مطعم صيني يهبببببببببببببل برضو مو بنفس الشارع حق الشانز

    تلفين من عند كرفي الفوكيت وتمشيييييين يجيك علي اليمين اسمه مطعم ديب عنده سيزلنج لحم ياخذ العقل بعمري ماذقت زيه


    وكمان في بيتزا بينو في باستا اسمها ارابيتا. انا عني مرررره حبيتها
  3. @totohby

    مطعم نورا من الشانز ومن عند لويس فيتون شارع جورج الخامس وتحصلونه خلف الفورسيزون بزي الطلعه ومقابل له محل الحلويات تبعهم

تابعي تجارب أخرى من هذا القسم.