شاركي في النقاش

سجلي الدخول لإضافة تعليق.

التعليقات

2,196
  1. @mshark2009

    غيرالحلوين
    ايش الكوخ الي حجزتيه وبوكينج اذا حجزتي من بدري يطلع السعر رخيص اما اذا تاخرتي يغلى عليك انتي شوفي كذا شركه. وقارني الأسعار وينتك راجعي سياسات الفندق تلقينها مكتوبه تحت وكاتبين بخصوص الاطفال والكوخ ترى أغلى من الغرفة المزدوجه أحجزي مزدوج…
    ياحبيبتي تسلمين ماقصرتي الله يسعدك يارب
    بالنسبه للكوخ قلنا نغير عن الفنادق ناخد كوخ اجمل بكتبلك اسمه
    lnan kardesler bunglow motel
    وبالنسبه لميلاد بنتي بشهر 12 سنه2009
    انا اخاف مرا من الحشرات حتى لو اني لابسه بوت ما اقدر حتى ادعسها شايله هم هالشي وبنتي برضو مثلي ان شاء الله باخد حقت الناموس يعني سفرتك قبلنا
    الله يهنيكم يارب
    ادا ممكن تساعديني في فنادق في اسطنبول وطرابزون تكون 4 نجوم واسعارها متوسطه
    وبالنسبه لسوالك احنا حاجزين متاخر عشان كدا غاليه:44: سفرتنا 1 شعبان وامس حجزلنا اوزنجول
    باقيلي احجز اسطنبول وطرابزون واحتمال بورصه او ابانت

    ادا ممكن تساعديني باسماء فنادق تكون قريبه من كل شي اكون شاكره ووممنونه لك

    والله يهنيكم بسفرتكم وترجعون سالمين يارب العالمين:15:
  2. @ghyralhloyn

    مشاركة2009
    ياحبيبتي تسلمين ماقصرتي الله يسعدك يارب بالنسبه للكوخ قلنا نغير عن الفنادق ناخد كوخ اجمل بكتبلك اسمه lnan kardesler bunglow motel وبالنسبه لميلاد بنتي بشهر 12 سنه2009 انا اخاف مرا من الحشرات حتى لو اني لابسه بوت ما اقدر حتى ادعسها شايله ه…
    بنتك اصغر من بنتي بسنه يعني ماراح يحسبونها ابدا لازم تكون 7 سنوات ونص في اغلب الفنادق 8 سنوات يحسبونها انا بنتي لما أرسلت لهم تاريخ الميلاد ماحسبوها قالوا أقامتها مجانيه اهم شي جهزي بنتك ملابس شتويه وجونتيات وطاقيه لان الشمال برد اما اسطنبول حيكون معتدل الجو

    بالنسبه لموتيل أنان حلو واختيار كم موفق ان شاء الله تنبسطي

    بالنسبه لابانت أنصحك مدام انك رائحه للشمال ماله داعي تروحين ابانت لانها نفس الطبيعه لكن الشمال اكبر واجمل ابانت بس بحيره الي مايروح الشمال يعوض بابانت فهمتي

    ممكن قبل لا تروحي للشمال تروحي رحلة سبانجا وجبل كارتبا مع قروب يوم واحد شامله الغداء

    ووطرابزون انصحك أجمل وأرقى فندق نوفتيل طرابزون خذوا غرفه مطله عالبحر وانبسطوا خلوها اخر ليله في طرابزون او اخر ليلتين عشان قريب من المطار انا أخدت الليله ٦٠٠ ريال مع الإفطار ومطل عالبحر بس فندق يستأهل صراحه
    وإسطنبول افضل مكان للسكن من رأيي خصوصا اذا عوائل السلطان احمد وبايزيد

    الفنادق المقترحة في اسطنبول وارشحها لك 4 نجوم فندق سكاي كامر وفندق بالين وفندق فيكتوري وفي الاخير فندق راست قارني الأسعار واختاري الأنسب لكم وأغلى فندق فيهم سعره لليله ٥٠٠ ريال مع الإفطار ماتزيد عن كدا
    ولازم تعرفي انه فنادق اسطنبول غرفها ضيقه شوي نظام أوربي يعني
    وبورصه فيه فندق تيارا تررمال بس اذا مدة سفرتكم قصيره خلي بورصه يوم واحد من اسطنبول رحله من الصباح والعوده المساء
  3. @mdam_albasha

    غير الحلوين
    بغيت أسالك
    هل حديقه اميرجان هي نفسها حديقه قصر دولما بهجه 
    ؟؟؟
    واذا كان لا
    كيف أوصل للإثنين من لألي ؟؟
    وكمان اذا ما عليك أمر أيهم اقرب لدولمه بهجه مقهى بيرولتي ام ارطكاوي مع جوله البسفور 
    لأني بحثت عن اللي كتبتيه للمناطق ماحصلته

    وشكرا لك  
  4. @mshark2009

    الله يسعدك يارب يا غير الحلوين ويدخلك الجنه من اوسع ابوابها افدتيني كثيييير
    وبسمع بنصحيتك بشيل ابانت من القائمه بخليها بورصه او اكملها في اسطنبول
    وبالنسبه فندق نوفتيل في طرابزون بحث عنه زوجي ومالقيه يمكن يكون فل
    وفنادق اسطنبول دحين بشوف الي اديتيني اسمائها وبعدها اقرر
    وتسلمييين ماقصرتي والله يعطيك العافيه

تابعي تجارب أخرى من هذا القسم.