السلام عليمكم و رحمة الله وبركاته
صباحكم مسائكم خير وراحة بال
حبيبااتي و أخواتي ،
أكيد كل وحده عنده مشاريع ل مملكتها و لأسرتها
وأكيد كل وحده فينا فكرة بيوم ، كم بيكون بين الأول والثاني او حتى الرابع والخامس
طبعا في أسباب كثيره لكل وحده اللي طولت عشان ترتاح واللي جابتهم دسته و في نفسها ارتاحت :twirl:
بصراحه ، انا كمقبله واعتبر نفسي ما أسست عائله عندي ولد واحد سنه و 10شهور الله يصلحه
طبعا ما عندي خبره إطلاقا و برضو في كثير بنات بيكون تفكيرهم نفسي تفكيري او حتى مر بخاطر وحده منكم
السؤال ،،،،
1/كم الفرق المناسب اللي حسيته بالنسبة لك هو المثالي بين أولادك
2/وهل ندمتي انك ما رصيتيهم ع بعض وتمتعتي بحياتك بعدين او العكس باعدتي بينهم و اخذ كل واحد تربيته
3/ولو مطوله كيف قدرتي ترجعين لحوسات المهادات و البربتوز:humm:
اعتبروها تسائلات و عطونا نصايحكم
شاركي في النقاش
سجلي الدخول لإضافة تعليق.
التعليقات
26- صاحبة الموضوع #81333536وينكم ،، حمسونا بردودكم
- اكيد البنات نايمين
السؤال ،،،،
1/كم الفرق المناسب اللي حسيته بالنسبة لك هو المثالي بين أولادك
من ثلاث الى اربع سنوات وجهة نظري والعمر له دور اللي تتزوج في عمر ٣٠ وحاطه في بالها عدد معين لازم تعرف انه بعد الاربعين في خطوره عليها وع البيبي فاكيد مجبوره تجيبهم وراء بعض
2/وهل ندمتي انك ما رصيتيهم ع بعض وتمتعتي بحياتك بعدين او العكس باعدتي بينهم و اخذ كل واحد تربيته
عندي بنت عمرها سنتين وحامل
واحس الوضع صعب جدا لان بنت صغيره ماتفهم وبهذلتني وشقيه وانا بس وراها وتحتاج عنايه يكفي اذا صرت اغير لها البامبرز ظهري ينكسر تخيلي حامل وانحني واشيل واحط
وهذا هو تخطيطي
كنت ابي اجيب اثنين وبعدها ارتاح ٥سنوات او اربع وهكذا
وماترجعت عن تخطيطي بس بسوي عليه تعديلات في المستقبل
3/ولو مطوله كيف قدرتي ترجعين لحوسات المهادات و البربتوز - جبت الطفل الثاني وعمر الأول سنتين ونصف وكنت مقررة كذا؛ما أحب الطفل يتربى لوحده يكون منعزل ؛وجبت الثالث قبل يدخل الطفل الأول المدرسة بس الحمد لله الحين كلهم كبار؛وجلست خمس سنوات مرتاحة بعدين جبت الرابع والثالث على طول دخل المدرسة ؛وعادي ما كان عندي مشكلة بالحفايظ والرضعات لأني طولت كنت مشتاقة للأطفال ؛والحين حامل والصغير سنتين ؛الصراحة حملت بدون ما ادري هالمرة بس كنت مخططة ابحمل قبل يكمل ولدي ثلاث سنوات يعني قدمت أربع شهور ؛أنا تخطيطي ثلاثة بعدين راحة بعدين اثنين بعدين راحة وبعدين ما ادري وش تصير الظروف عليه لكن نصيحة لا تطولين بعد الطفل الأول عشان ما يتعود يكون لوحده منعزل وأناني وترى طفل تعبة قريب من طفلين يساعدونك بتربية بعض ؛ياكلو جميع يلعبون مع بعض أما طفل لوحده أنتي وأياه متقابلين ؛والله يصلح لنا النية والذرية وجميع المسلمات
- رفع
- انا عندي طفل ٤ سنوات
وحامل حاليا
واذا ولدت بإذن الله بجلس ٥ او ٦ سنوات برتاح
مواضيع مشابهة
تابعي تجارب أخرى من هذا القسم.