وش موقفكم لو سوت زوجه اخوك هذا الموقف لامك

بنات وش يكون موقفكم لو زوجه اخوك مطنشة امك وما ترد على
اتصالاتها والمشكلة انها ما تعتذر اقلها ترسل رسالة بالواتس ولا شيء ومتاكدة مليون بالمية ان عندها رصيد
والمشكلة الأكبر انها تتصل علي ابوي وتكلمه على انه يشهد ربي انه ماجاها منا شيء
حتى امي المسكينة مكسور خاطرها ودافع عنها بس عشان مانحقد عليها
وهي ما كانت كذا قبل يجيها ولد الحين تغيرت على انها يوم تأخرت بالحمل
والله الشاهد ربي انه مانقولها شيء بالعكس نطمنها حتى اخوي نوصيه فيها
وعند الناس نمدحها وما انسى يوم رحنا لها الله لايحدنا عليها حنا واخواتي
وامي والله ما تسوي الا وجبه وحده باليوم ومع هذا ماقلنا لاحد شيء بس نمدحها
والله ما هو مدح فينا وفي امي انه نخدمها لا صارت عندنا وماتشيل ملعقة وهي اصلا
ما تساعد المهم حنا ما اذيناها ابدا وهي صارت شايفة نفسها وتستحقرنا وخاصة امي
المهم وش التصرف الصحيح مع هذي الاشكال لانه قررنا نتعامل معاها برسمية وما راح نقول لاخوي
شيء لانه هذا الشيء ان شاء الله تشوفه من ولدها