محتارة بزوجه زوجي الاولى....! / استوفى الــردود

جمالك سحرررني ع عيني وراسي كلامك وبالعكس ماضايقني لاني انا عارفه مكاني ونيتي بالضبط
بس انا عارفه اني تزوجته وهو متزوووج قبلي وعنده عيال وووو وبالعكس ماظريتهم وهذا انا اقولكم كلكم اني ودي نكون عائله وحدة ومن ناحية طلاباتها ورسايلها صح كلامك عادي بس بداية زواجي كانت استفزاز لي ولمشاعري لانها تتغزل وانا ماقلتها الا وانا عارفه نيتها الله يهديها والطلبات كمان طبيعي تطلب كلنا بشر ونحتاج وهو زوجها وعارفه هالشي الله يسعدك بس كل كلامي انه هيا ناوية باستفزاز لي عشان تصير بيننا مشاكل انا وزوجي ماعلينا الي راح راح بس حبيت اوضح لك اني الي انتي كتبتيه انا فاهمته وكلاااام ينعاد بكل المواضيع

احلام مدفونة انت مااتتغزلي يعني والا هي حراام تتغزل
اسألك بالله انك مااترسلي لزوجك رساايل غزل
وليه يجرح مشااعرك تغزلهاا فيه مو زوجهاااا

من رايي أنك لاترسلين لها
ولاتتقربين منها ، هي هالحين زي النآر وانتي بأمكانك تكونين ماي وتطفينها بهدوءك وعدم مبالاتك لحركاتها<لانها راح ماتلاقي منك ردت فعل وخلاص تبطل تستفزك
وبإمكانك تكوني غاز وتشعلي النار أكثر بإهتمامك بتصرفاتها وحركاتها
/
ولازم تعذرينها لأنها أكيد مجروحه
:
وبالنسبه لعيالك أفضل لك أنك تربينهم على المسالمه وعدم الكره والحقد وتقولين لهم هذولا أخوانكم ومن هالكلام،هذا اللي بيدك،

الله يكون في عونك ويهديك للي يريحك دنيا واخره

الله يسعدك
لاتزعلين من اللي باقوله
تكفين اتقي الله في زوجة زوجك الاولى انتبهي تجرحينها
ترا كل حركاتها ماتنلام فيها ابد
انت اخذت منها وشاركتيها في اهم شخص في حياتها حتى لو قالت انها موافقة على زواجه تراها اجبرت نفسها وغصبت نفسها انها تقول انها راضية على زواجه مافيه حرمة في الدنيا تحب انه احد يشاركها في زوجها
ليش تلومينها ؟ ليش تنتقدينها
تحمليها ياقلبي مهما سوت لا تنسين انك تزوجتي زوجك وانت عارفه انه متزوج وعنده عيال المفروض انك هيأتي نفسك من قبل انك تتحملين كل اللي يجيك
ياحياتي والله رحمت الزوجة الاولى والله انك منتي حاسة فيها وفي جرحها لو يتزوج عليك زوجك وحده راح تعرفين قد ايش هي تعاني اسال الله ان يرحم حالها ويعوضها بالاجر ماتبغينها تتغزل في زوجها ولا تبغينها تطلب طلبات
ليه يختي؟
وعلى طول حكمتي انه هدفها تستفزك
حرام عليك والله ترا ذا زوجها شكلك نسيتي وحتى لو هدفها تستفزك لا تنسين انك انت دخلتي عليها مو هي اللي دخلت عليك
لو انه هي الزوجة الثانية وانت الاولى لا والله راح اقول انها غلطانه اذا استفزتك وانها ماتستحي لانه هي اللي دخلت عليك المفروض تتأدب لا تلومينها والله من حر مافيها وربي زواج الزوج جرح كبير في القلب ماتدرين قد ايش مؤلم
طلبتك
كل مافكرتي انك تتعاملي اوتتصرفي اي تصرف مع طبينتك ابغاك تحطي نفسك مكانها وتخيلي ان زوجك متزوج عليك وشوفي هل هذا التصرف بيزعلك لو جاء من الزوجة الجديدة اللي تزوجها عليك
اذا تحسي انه راح يزعلك ويقهر لا تسويه لطبينك انتبهي ترا الظلم شين وانت ان شاء الله ماانت ظالمة
الله يحفظك ويحفظ عيالك

الله يصلح مابينكم ويوفقك على قدر نيتك الطيبه