السلام عليكم ورحمة الله وبركاته
طلبتكم يا مشرفات لا تنقلونه بستفسر والاختبار قرب
طبعا الاختبار التحصيلي حق سادس ابتدائي شي جديد
انا ولدي بسادس وعنده اختبار تحصيلي الاسبوع الجاي
ودي تفيدوني الاختبار عباره عن ايش ؟؟ والاسئله كيف ؟؟؟؟
وهل كل المواد يختبر فيها ومواد الترم الاول بعد ؟؟
اذا دروس الترم الاول مطلوبه طيب كتب الترم الاول رميتها وش الحل ؟؟؟؟؟؟؟؟
وهل الاختبار يحدد المصير انو ينجح او يبقى بسادس ولا مجرد اختبار عادي
تكفووووووون طمنوني وش السالفه وربي ضايعه :(
والي ماعندها خلفيه ترفع الموضوع ...............
جزاكم الله خير
شاركي في النقاش
سجلي الدخول لإضافة تعليق.
التعليقات
20
وعليك السلام ورحمة الله وبركاته
اختي اللي اعرفه
ان اختبار التحصيلي الخاص في الصف السادس فقط في 3 مواد
الرياضيات
لغتي الجميلة
العلوم
والاسئله تكون خاصه في منهج الترم الأول والثاني لنفس الماده للصف السادس فقط
اللي اعرفه ان المدارس وزعت ملزمه خاصه لكل ماده (( رياضيات & لغتي الجميلة & علوم ))
وفيها نماذج من نفس صيغة الأسئله اللي رايحين يعتمدونها في الاختبار لكل ماده
واللي اعرفه انه من الاسبوع اللي فات وهذا الأسبوع انه كل مدرسه سواء بنين او بنات قاعدين يعملون اختبارات تجريبيه عشان تأهلهم للأختبار التحصيلي النهائي
هذا اللي اعرفه اتمنى اني قدرت افيدك بعد الله بشيء
بالتوفيق ياااارب
ملاحظه
اختي افضل انك تتصلين في المدرسه وتسألينهم بنفسك يكون افضل
واذا على الكتب الخاصه في الترم الأول
اتوقع في موقع خاص للمناهج تقدري تدخلين عليه وتنسخين كتاب الماده اللي ماهي متوفره عندك
بالتوفيق ياااارب .- الله يعينك وانا متوهقه مع اختي
- أختي رغد الله يجزاك خير وينور دربك يارب
مدرسة ولدي ما عطوه ملزمه ولساتهم يبلغونا الله يهديهم ما بلغونا بدري نستعد
لااكن هل لاختبار عليه اعتماد رسوب ونجاح ؟؟ - دلع ذوق اي والله انكبونا بالإختبار والله احسني ضايعه كأني انا الي بختبر :(
ومضة قلم أختي رغد الله يجزاك خير وينور دربك يارب مدرسة ولدي ما عطوه ملزمه ولساتهم يبلغونا الله يهديهم ما بلغونا بدري نستعد لااكن هل لاختبار عليه اعتماد رسوب ونجاح ؟؟
الاختبار ليس فيه رسوب او نجاح هو فقط دراسه مسحية شامله لمعرفة مستوى الطلاب في كل مرحله وليس مؤثر ولاعليه درجات
مواضيع مشابهة
تابعي تجارب أخرى من هذا القسم.