خلصت شهري والرحم 1 سم

السلام عليكم

بنات دي ثاني ولادة ليا الاولى ولدت قيصري عشان بنتي كانت جالسه اما الحمل دا الجنين راسه لاسفل

امس الاربعاء كملت شهري واليوم في الصباح حسيت بالم مثل مغص الدورة يجي ويروح مع اسهال

بعد الظهر رحت لدكتورتي تفاجات تقول لي الرحم مفتوح سم واحد (الالم دا كله وسم في الاخير

الله يكتب لنا الاجر ) ونصحتني بالمشي وشرب سوائل حارة

انا نفسي اولد طبيعي المرة دي ايش رايكم ايش ممكن يساعدني ويفتح الرحم عندي

الي تفيدني الله يعطيها مافي نفسها ويرزقها الجنه من اوسع ابوابها

14 تعليق 3,316 مشاهدة

شاركي في النقاش

سجلي الدخول لإضافة تعليق.

التعليقات

14
  1. @alshooook_3

    نفس حالتي امس خلصت شهري ورحت الدكتوره قالت مفتوح واحد سم وقالت عادي لو تشربين خروع عاد انا ماشربت تلوع كبدي منه ويجيب لي غثيان بس اشرب يانسون وشمر وحلبه من امس والليله قلت بجرب القرفه والمشي يتعبني مره امشي بس قليل ان شاء الله يجينا الطلق الليله وتهونه علينا
  2. @azhar_hadyh

    الله يسهل عليك يارب ويفرج همك وكل حامل يارب
    نصيحتي لك امشي امشي قد ماتقدري
    وبعدين روحي للبيت وخذي شور دافي واشربي كوب حليب دافي
    مع ملعقه زعتر
    صدقيني بارادة الله راح تولدين
    وانا مجربه هالحركه
    دعواتك اختي
  3. @aaros_shhr_aashr

    كم الفرق بين ولادتك الاولى وحملك الثاني عشان انا نفس حالتك بس لساتي بالبداية يارب تولدين طبيعي وانا كمان
  4. أختي الي مو أول حمل ينفتح الرحم طبيعي ؛أنا كذا بعيالي بس نصيحة إذا الأول عملية لا تجربين تاخذين شي لين يعطونك موعد للطلق الصناعي أو التحريض ؛لأن الجنين ياخذ وقت عشان ينزل بالحوض والخلطات تزيد الطلق هذا مو زين عشان جرح العملية ؛أختي كانت كذا بس قالها استشاري كبير انتظري وفعلا انتظرت وجتها ولادة وولدت طبيعي الحمد لله ؛وانتي الله يفرج لك ويهون عليك 
  5. @diamond_for_ever

    صاحبة الموضوع
    جزاكم الله خير يابنات والله يهون عليا وعليكم

    أي سالت كم بين حملي الاول والثاني بينهم بالزبط 3 سنوات في العمر

تابعي تجارب أخرى من هذا القسم.