شاركي في النقاش

سجلي الدخول لإضافة تعليق.

التعليقات

2,032
  1. @ktaah_almas

    ام ماسه سابقا
    ياحياتي سلامته الف سلامه مسكين الله يشفيه انا مارتاح الا بالهقعده زوجي دايم يضحك علي اذا تربعت خخخخخخخ حبيبتي ماتشوفين شر والله الله يهديك ليه تشيلينها مره ثقيله البطيخه
    بنات بسالكم اليوم سويت تحليل سكر الحمل لمن نزلت المختبر عطتني الممرضه محلول حجم علبه المويه بالبرتقال قالت اشربيها كلها دفعه وحده وبعد ساعه التحليل شربتها كانها ميراند بس وووع ثقيل وحاااالي بس الصراحه ندمت اني مااستشرت الدكتوره ع ذا المحلول الدكتوره قالت لي قبل لاتجي بساعه اشربي عصير مدري انعيمت ذيك الساعه ماقلت للمرضه على العصير


    المهمم مممممين قد اخذ ذا المحلول وش فايدته ؟؟؟؟؟؟؟؟؟؟؟؟؟؟؟؟:icon810::icon810:
  2. خزامى وام ماسه طمنتوني الله يطمن بالكم

    تخيلو انا من بداية حملي وانا اجلس هالجلسه وخايفه منها

    والله يابنات انا حملي ماجا الا بعد معاناه ثمانية سنوات الحمدلله الحمدلله الحمدلله ان ربي اكرمني به

    بعد سنتين من زواجي سوينا حقن مجهري ورجعت لي الدكتورة خمسه اجنه وياعيني علي

    كنت صغيره وما اعرف ان المفروض مايرجعون اكثر من ثلاثه

    المهم نجحت العمليه وحملت بواحد بس بعد خمسه اسابيع وقف نموه واجهضته

    وبعدها بسنه عدنا العمليه وهلمره جمدنا اجنه لأنا عرفنا بنظام تجميد الاجنه ( كنا مانعرف مع اني اطلع بويضات كثير )

    المهم برضو رجعت لي خمسه اجنه وبعد الترجيع اشيل هم اني احمل بالخمسه كلهم واقول فخاطري ما اقدر اشيلهم

    وصار الحمل بتوؤم 2 فسبحان الله وقف نمو واحد بعد خمسه اسابيع والثاني وقف نموه بعده بأسبوعين

    وبعدها بسنه صرت احمل طبيعي وكانت فرحتنا مايعلم بها الا رب العالمين وكنت على المثبتات بس كان على طول الاسبوع الثالث

    يوقف نموه وصارت مشكلتنا الاجهاض يمكن حملت ست او سبع مرات 2 منها الحقن المجهري

    والحمدلله ذحين حامل وخلصت 19 اسبوع وكم يوم ويااااااارب يكمل حملي بصحه وسلامه


    وتوته توته خلصت الحتوته

    لا لا لسى باقي

    طبعا العلاجات اللي استخدمتها كثير بس اخر شي اللي صار فيه هذا الحمل ولله الحمد

    هو اني كنت وقتها اخذ مانع حمل حتى ارتاح من الاجهاض

    المهم وفعيد الحج اخذت سور كل قريباتي وشربت منه شويه والباقي غسلت به جسمي

    وعملت حجامه واول ماعرفت بالحمل بديت اقرا سورة البقرة والرقيه والحمدلله من قبل ومن بعد
  3. ام يسوفي سلامتك ماتشوفين شر

    انصحك تنامين على ظهرك وترفعين رجولك على مخده على الاقل اليومين هذي لين ترتاحين

    والله يحفظ لك جنينك من كل مكروه يارب

تابعي تجارب أخرى من هذا القسم.