حماتي في خطر//تم الرد

اولا احتسبي الاجر الاجر الاجر الاجر
وربك بيعينك اذا كانت نيتك لوجه الله
ماتدرييييين يمكن ما ينجيك يوم العرض الاكبر من النار الاها العجوز
والله لو هي بوعيها وبصحتها ماتقبل لا بناتها ولا خدامه تساعدها
لاحولا ولاقوه الا بالله
الله يلطف بحالها ويرحم ظعفها ويحسن خاتمتها
ويرحمنا اذا صرنا الي ما صارت اليه

بسم الله
اخر مره انا فعلا كارهه للموضوع وانتي بما انك مجربه بتعرفي مدى الضغط النفسي اللي بتسببه انا طبعا مش زعلانه عليها بالعكس انا اقول دائما لكل من يسالني عنها ان الله سبحانه وتعالى والله اعلم يريد لها منزله عاليه في الجنه لا تصلها بعملها فابتلاها الله حتى تصل لهالمنزله انا زعلانه على بناتها لانهم ما بيتساعدو معنا على الاطلاق بس بزوروها وفي نظرهم انهم بارات وطبعا الكل يعرف وحتى اخوانهم يقولو انه انتو احسن من خواتنا لامنا لانهم لما يحضرو لا بحمموها ولا بغيرولها ولا بعملو لها اي شئ بس بقعدو ضيفات وزعلانه كمان عشان سلافي مش راضيين يجيبولها خادمه مع اني مره سمعت برنامج على التلفزيون عن مريض الزهايمر انه مش لازم تغير عليه المكان والاشخاص هذا يزيد مرضه فهم قامو بتغيير المكان وبنعرفي كل بيت عاداته شكل وايضا تغيير الاشخاص كمان يعني انا حاسه انهم سرعو في مرضها لو قبل ما تستفحل حاتها خلوها ببتها وجابو شغاله و الكل يضل يروح ويشرف ما صار فيها هيك بس انا سلافي كل شئ عيب بقولو شو يحكو عنا الناس
اختي كلامك شجعني اكتبي لي كيف ننعاملين معها ولو اعرف انها ممكن تهدا لو حطيتها عندي الا اطلب من سلافي يخلوها عندي مع اني ما كنت احس انها بتحبني وهي بعقلها ولما مرضت بدايه مرضها كانت تصرفاتها تختلف لما تكون عتدي تزيد عصبيتها وعند سلفاتي اللي سكنو معها تكون اهدا بس الان عند الكل نفس الشئ .انتي بتقولي نوخدها كل ساعه مثلا على الحمام اولا ما بترضى ولو دخلتيها غصب على الحمام بتصير تصرخ وتضري وما بتميز انها لازم تقضي حاجتها فتخرج وهي مش عامله شئ وبعدين اثناء النوم ليلا لا تتحكم في نفسها مرت علبنا فتره نغسل لها الملابس كامله من البراز 3 او 4 مرات في اليوم فكانت الفوط هي الاريح
انتي بتقولي انه مريض الزهايمر يتاثر بحاله الشخص اللي بعتني فيه بجوز هذا الكلام ينطبق علينا من فتره قريبه جدا لان حماتي صحتها الجسميه قويه جدا ولا تعاني من اي مرض ما كانت تحتاج منا الا الحمام وغسل ملابسها وهي بتاكل لحالها وبتشرب لحالها بس الها اسبوع تقريبا حاسه انها تعبت وبطلت توكل الا لنا احنا نطمها بايدنا وكذلك الماء
اختي لسه في مرحله متقدمه اكثر من هيك وشو هي ؟ وجزاكي الله خيرا

اختي هدهد اولا لازم تكوني هادية جدا جدا جدا واعصابك تحطيها بالثلاجة. وهدوء لازم يكون داخلي مش خارجي. يعني ما تتصنعي الهدوء لانها ببساطة رح تعرف. يمكن تستغربي من كلامي بس حماتي كانت تعرف متى بكون هادية عنجد ومتى بكون بمثل الهدوء
مريض الزهايمر حساس لابعد حد ولدرجة ما بتتصوريها. وبفهم اذا بتحكي معه واذا بتحني عليه او بتكرهيه 




حماتي عاشت عند بنتها سنه وهي في نفس مرحلة حماتك. لظروف اولادها الذكور واحد كان مسافر والثاني  هو زوجي في السجون الاسرائيلية. لما خرج زوجي من السجن وتزوجنا انتقلت معنا عبيتنا. خلال السنه الي عاشتها مع بنتها كانت عصبية كثير وعدوانية كثير. ما ترضى تدخل الحمام ودايما توسخ عحالها وعالارض وبنتها تقضيها طول اليوم تنظف في الارض وتحمم وتغسل ووقت الحمام ما تسمعي غير صوت صراخ وخبط. وتركض وراها ومش ملحقة. وصار عندها مشاكل في الظهر والعمود الفقري
لما اجت عنا عالبيت قرات كثير عن المرض وكيفية التعامل مع المريض ومشيتها اولا عروتين يومي ما بتغير لو شو ما يصير. 
بعدين صرت احكي معها قبل ما اعمل اي اشي. يعني بدي اخذها عالحمام احكيلها ايش رايك ندخل عالحمام؟ طبعا بطريقة حلوة ومع ابتسامة. صرت اعاملها كانها طفل صغير جدا واحن عليها كثير. احضنها وابوسها وادلعها. لاحظت انها تغيرت 180 درجة. ومش بس انا لاحظت كل الي حوالي لاحظو هدوءها وكيف لما تشوفني بتضحك ولما احضنها بتتفاعل معي. 
علما انها ما كانت تعرفني قبل المرض




بالنسبة لدخولها الحمام. مثل ما حكيتلك استخدمي البولبس ولما بدك توخديها احكي معها بصوت واطي انه لازم تدخل الحمام وبهدوء امسكي ايديها ومشيها وانتي حاطة ايدك عظهرها وتفركي في ظهرها بحنان. هاي الحركة مريحة جدا وبتهديها كثير
اذا شفتي منها ممانعة ما تكملي ولا تدخليها غصب عنها. جربي بعد شوي. لانها بتكون نسيت شو صار بس استخدمي كلامات اخرى مثل " مش انا بنتك حبيبتك"او مثلا ( خلينا نروح عالحمام عشان ما تتوسخي وعشان تضل ريحتك حلوة يا حلوة انتي) بس ضروري تمشي عنظام واحد ما يتغير. يعني كل ساعة او 45 دقيقة تدخل الحمام
ممكن اذا دخلت معك وما غلبتك واستخدمت الحمام تشجعيها وتظهري انبساطك وفرحك منها وتبوسيها وتدلعيها عشان ما غلبتك




وبتقدري تحكيلها لما تخلص "حبيبتي بس بدك الحمام احكيلي. ماشي يا عمري" رح تنصدمي انها بعد فترة رح تصير تعطيكي اشارة انها بدها الحمام. واذا عملتها عحالها رح تكون زعلانه كثير من حالها. دورك هون انك تشجعيها وتحكيلها "معلش يا ماما المرة الجاي بتحكيلي. وانا اسفة اني نسيتك"
ما تنسي تحطي ايدك عوجهها وتمسحي عليه وتخلي في تواصل بالعيون. صدقيني حنانك ومشاعرك الصادقة رح توصلها وبسرعة ورح تشوفي ردة فعلها وكيف رح تتفاعل معك




بالنسبة لانك توخديها عندك في البيت. الله يجزيكي الخير بس لازم تتفقي مع سلفاتك انه تضل عندك طول الاسبوع ويكون في الك يومين راحة. عشان تخلصي مشاويرك وترتاحي وتشتاقيلها وعشان ما يركنو عليكي ويطنشوا. واذا زبط معك هذا الاسلوب رح يتعلموا منك وبصيروا يساعدوكي




اما بالنسبة للمراحل. فمرض الزهايمر مراحله كثير وحماتك لساتها باول الطريق. في مرحلة بتنسى الحكي وبتنسى المشي والحركة وبتنسى تفتح فمها للاكل وبتنسى تفتح عيونها وبترجع مثل الجنين لا حركة ولا صوت ونايمه عطول 
حماتي الان في مرحلة متقدمة. يعني صارت ما بتتحرك ولا بتحكي واكلها كله مطحون وبتشرب الماي في المصاصة لانها ما بتعرف تشرب من الكاسة
الايام الماضية لما كانت تتحرك وتمشي كانت اجمل الايام. جوالاتنا انا وزوجي كلها صور الها وفيديوهات لما كانت تضحك وتمشي وتتحرك وتعمل مواقف حلوة كثير. الله يرحمها برحمته ويخفف عنها مصابها ويصبرنا ويصبركم 
عفكرة. ما تزعلي ما بناتها. بالعكس احزني عليهم لانهم ضيعو فرصة كبيرة للبر بامهم. هن الخسرانات

والله بهذا العمل م تدرين ايش ربي بيجازيك وربي والله تتعودين مع الايام الله يوفقك اختي