شااارف على الاربعين والحال كماهوووو

ضحكة هم ( انا لو راضيه بالمهانه ماحطيت مشكلتي في كذا منتدى عشان اطلع براي حكيم سديد ربما كنت غافله عنه
والله ياختي مايكسر الظهر الا الاولاد تخافين تشترين راحتك وتبيعينه ويجي مرررة ابو تنسف كل اللي بنيتيه في عيالك او انه هو بطريقته وانتقاداته الدائمه يدخلهم مصحات نفسيه ولا دور الاحداث
لكن مع الاسف ياخيارة التعليم فيه وفي اشباهه
والله ابوي ماتعلم ربانا احسن تربيه والله فاطر السموات والارض ماعمري اذكر انه انتقدني على اي شي وكان صاحب لاخواني موابو لحد ماساروا رجال من افضل من هم بسنهم

ياقلبي لازم تصبرين
وبعدين ياأخوات تقولون وش اللي حدها تصبر عليه😳
وش ذا الكلام
أكيد عيالها في اهم منهم في حياتها قولوا كلام معقول ومنطقي وش حدك على المر قال اللي آمر منه وبعدين أهلك يبغونك غنية ولوحدك بدون عيالك
لكن تجيهم فقيره وبعيالك يستثقلونك وكرامة عيالك في بيت أبوهم
إصبري ياقلبي وإستغفري وعليك بالدعاء عسى الله يفرجها ربي عليك ويسخره لك ويحفظ لك عيالك ويعوضونك
كلها كم سنه ويصيرون عيالك كبار ولهم كلمة تروحين معاهم وترتاحين وتفتكين من أبوهم

الله يهديه يارب والله الرجال المتسلطين ماتدرين تتحسبين الله عليهم ولا وش تسوين من جد قهر وكان الوحده عبده عندهم والزوجه اصه اذا فيه اولاد ماتقدر تسوي شي تفكرين بعيالك بس والله فيه حريم مطنشين اصبري عليه واذا ماتغير وكبرو عيالك اطلعي عنه وحده اعرفها كذا اصبرت لما كبرو عيالها وطلعت عنه وتغيرت حياتها وحتى عيالها مساكين مره نفسيتهم تغيرت للاحسن ومره مبسوطين وماشاءالله عليها صايره الام والابو بس انتي ادعي ربك انه يتغير

اختي اقسم بالله اني شكيت اني انا الي كاتبه مشكلتي والله نفس وضعي بلحرف بس انا اشو ما طلع الدش طول الوقت مراقبنا ويمسح في هلقنوات مع انها دينيه وحاط علينا كمرات واجهزت تصنت وسبق كتبت مشكلتي في هلقسم الله يعينك ويعيني ةيصبر قلوبنا هلنوعيه مارح ترتاحين منها الا بلموت بس لان الطلاق مستحيل مع وجود عيال مالك الا الصبر والدعاء حسبي الله على النوع هذا فاهم القوامه غلط هذولا ذكور مو رجال يفكر ان الرجوله بلسب والتجريح والاهانه والتحكم في كل شي حتا الاكل والشرب والطلعات واذا جا بيلتزم التزم على زوجته وعياله واهو انواع الفساد ودايم يتكلم في الدين وقال الله وقال الرسول وهو عمره مابتسم في وجه عياله وزوجته هذا النوع يعاني عقدت النقص ويعوضها بلتسلط اسال الله يسلط عليهم الي ياخذو حقنا منهم والله يعوضك خير في عيالك

الله يكون في عونك...اصبري ...وعليك بالدعاء والاستغفار
وقراءة سورة البقرة
الدعاء.....الدعاء...فالله عزوجل لا يعجزه شئ ..وهو القاهر فوق عباده