شاركي في النقاش

سجلي الدخول لإضافة تعليق.

التعليقات

25
  1. @shabor

    انا ياقلبي معاكي في كل كلمة .. وقت النفاس احس اني ابغا زوجي على طول جنبي وجنب البيبي ..

    ما أدري نفسيا سبحان الله ارتااااااح ..

    عادة اولد في بيتي وانام على سريري وجنب زوجي والنونو معانا .. وامي الله يسعدها ويحفظها ويطول عمرها تجيني وتقعد عندي ليين اشد حيلي واصلا تكون عندي شغاله !!

    الحين بهالنفاس انا مو بالسعودية .. وماعندي لا شغاله وامي ماادري اذا بتجيني او لا .. وراح انفس ببيتي وزوجي اللي راح يقوم بي .. باذن الرحمن على خير :26:
  2. @happy_wife

    صاحبة الموضوع
    جزااكم الله خيير عالردوود حبايبي .. والله يهون على كل وحدة ماعندها حد يساعدها ...
    الي اشوفه ان العادة هااي وايد منتشرة عندنا في الامارااات و والله انها عادة مؤذية للنفسية .. مب مشكلة تروحيين اذا انتي محتاجة .. بس اول ما تشدين حيليج اعتقد لازم تروحين بيت زوجج..
    أنا من احين ناوية في نفاسي الجاي اذا الله رااد اتم في بيتي .. يمكن كم يوم عند اهلي .. بس لين ما اشد حيلي .. وخلي حد يراعي بنتي بس جدااام عيني ...
    لان فعلا ماقدر على هالفترة الطويلة بعيد عن ريلي وبيتي
  3. @alaaz_1

    احنا عدنا البنت تيلس اسبوع و لاّ اسبوعين بالكثير و بعدين اترد بيت ريلها.. يعني عادي ما فيها شي.. بالعكس اذا يلست الاربعين يوم عند اهلها بيرمسون عنها الناس خخخخخخخ.. انا يوم ربيت يلست عند اهلي اسبوع ونص مع انها اول ولاده لي.. وريلي كان مسافر و رجع اسبوع اجازه عشان ايشوف ولده و بعدها سافر.. و كملت الاربعين عند اهل ريلي.. يعني عادي.. مع انه ريلي ما كان موجود..بس الوحده ما ترتاح إلا في بيتها و ف غرفتها.. وعمتي ما قصرت معاي تهتم فيني مثل امي..
  4. @khald69

    ( ليال)
    شكرن
    والله انا من ناحيتي فعائلتي تحب ان ابقى عندهم كم يوم ولكن لا احب ترك زوجي ابدا ... وبالنسبة للنوم فأنه سينام معي من اول لحظة وليس هناك داعي للبعد وخاصة المرأة تكون بحاجها لزوجها اكثر في هذه الفترة مادام يوجد تفاهم ...

    اصلا هو زوجي ماخذ اجازة من العمل شهر كامل وهو راح يهتم بي ويرعاني وايضا سيدخل معي في قاعة الولادة .. سيدخل وحده فقط ... واما بالنسبة لعائلتي وعائلته فهم سيأتون لزيارتنا وليس هناك داعي لان ابقى عندهم مادام عندي زوج مسؤول ويحبني وايد ..

تابعي تجارب أخرى من هذا القسم.