حياتنا حلوة-التجمع الخامس لمريضات الروماتويد/لا يوجد متابعة من القائدة +لا يوجد تفاعل

شكرا أموون على ردك وربنا يعوضك بالخير يا رب

الزعل والله مو بايدي اتحكم فيه لأني نوعا ما حساسة..وبحس انه مرضي عطل علي اشياء كتيرة بس الحمد لله على كل حال

سؤال تاني...هل شعرتوا انه الادوية اللي بناخدها بتعمل خربطة بالهرمونات؟ ومثلا بتعمل شعر زائد؟

هلا النبض
حياك الله ..

الحساسية الزائدة ماهي طيبة صفة أحيانا بتكون ذميمة لأن صاحبها بيصير يزعل لأتفه سبب ويسيء الظنون في الآخرين وكمان بتقربك من الحزن والحزن ربنا نهى عنه اذا ظليت دايما حزينة بتتعبين ياعمري أنا أنصحك كأخت كبيرة لك حاولي تتخلصين من الحساسية الزايدة وخذي الدنيا ببساطة عيشي ببساطة لايكدرك شي أصلاً ما في شي يستاهل انك تكدرين نفسك أهلك وأخوانك بيعيشون حياتهم بالطول والعرض وزميلاتك وصديقاتك بيستمتعون بحياتهم ماشاءالله وانتي ربنا ابتلاك بالمرض عشان يقربك منه أكثر وهذي ميزة تميزك عن غيرك لا تتحسسين بسببها بل انظري للإيجابيات في حالتك انظري لنفسك بأن الله اختارك لانه يحبك وانه اذا اتحملتي مشاكل المرض فأنتي تزيدين رصيد حسناتك مضاعفة وكمان ربنا بيعوض صبرك خير ان شاءالله ..

وبالنسبة لاختلال في الهرمونات وارد أنا قد انقطعت عندي الدورة فترة وخفت واتواصلت مع الدكتورة هنا في الموقع وقالت لي واحد من اثنين إما تكيس أو اختلال في الهرمونات والصراحة أنا خفت لأن الروماتويد مو تاعبني اللا هالكني فماني ناقصة عمليات وعلاجات ثانية واستبعدت التكيس لأنهم يقولون انه بيعمل آلام وأنا ما حسيت بأي ألم يذكر غير ان الدورة كانت في الشهور السابقة قليلة جدا وبعدين انقطعت فرحت أبحث عن علاجات عرب لاختلال الهرمونات وبديت أعمل القهوة حقت الدورة والنفاس هذي بتكون حارة وتنزل الدورة وكل الأوساخ المحتبسة وأخذت أعشاب ثانية نسيتها عشبتين باخذها بالملعلقة ميرامية وحاجة ثنية بردقوش اذا ماخانتني الذاكرة معرفو عن البردقوش هذا انه بينظم اختلال الهرمونات وشربه كشاي بيخلي الدورة منتظمة طول العمر استمريت شهرين على هذا البرنامج وجات الدورة فقمت استخدم حب الرشاد مع التمر أثناء أيام الدورة بحسب البرامج اللي شفتها منتشرة في عدة منتديات وكمان استخدمت حاجة ثانية نسيت اسمها والحمدلله من وقتها اتصلحت هرموناتي ورجت الدورة لكني ناوية ارجع لهذا البرنامج ثاني لأن الدورة هذي الشهور بتنزل قليل جدا وظهري بيوجعني كثير وانا مشغولة عن نفسي ..

طيب شعر زائد انا ابداص مالاحظت هذا الشي وبالنسبة لشعر راسي أنا بعمل له خلطة زيوت أدفيها وافرك بها فروة راسي وأربطه اربع ساعات زمان كنت منتظمة على هذا الموضوع اسبوعيا عشان أقوي من شعري عشان مايتساقط بفعل الميثوتريكسات والحمدلله احتفظت بشعري وكمان طال .. انتي عارفة ميثوتريكسيت مع صبغات ممكن تعدم الشعر الموضوع يحتاج عناية وأنا بفكر أرجع أعمل له حناء لانها تقوي الشعر وتنعمه وربنا يسهل ..

فيه دكتورات هنا في الموقع اسأليهم اذا صار معك اي مشاكل وربنا يستر عليك ويسهل امورك ..

لا إلاه اللا الله محمد رسول الله

السلام عليكم ورحمة الله وبركاته

انا عمري 24 عزباء بدات معااناتي من الروماتويد من الالام الشديده في الركب والاكتاف من سنتين
وماكنت اعرف ايش السالفه رحت الصيدليه قال لي الصيدلاني عندك نقص في
فيتامين د واعطاني محلول حبوب فيتامين د
ماحسيت باي تحسن ويوم عن يوم الالام تزود لحد ماوصلت لمفاصل اليدين
تيبس في الصباح وتورم شديد حتى اهلي خافوا مانعرف ولاعندنا اي خلفيه
عن ايش هذا الشي سويت بحث في النت عن الاعراض وتعرفت على مرض
الروماتويد ولااخفيكم خوفتني التقارير والمقالات
رحت لدكتور عظام في مستشفى خاص ومرره صراحه خوفني قال لي وينك انتي عن نفسك انتي احتمال
كبير يكون عندك روماتويد ( زي ماتوقعت )
سوا لي تحاليل وطلع عندي نسبة ترسيب الدم 48 وقال لي روحي لدكتور روماتيزم فعلا اخذت تحاليلي ورحت لدكتور
شاطر في مستشفى خاص برضو وشاف التحاليل وسوا تحاليل زياده وتاكد انه عندي الروماتويد
للاسف والحمدلله على كل حال المهم فهمني انه مرض مزمن ولكن الشفاء بيد الله اعطاني
كرتزون وميثوتركسات وحمض الفوليك وبلاكونيل مع بعض المسكنات اللي ماكنت اقدر استغني عنها
وقال اذا حسينا ان جسمك مايتفاعل مع الادويه هذي راح نضظر للابر
استمريت لمدة ثلاث شهور تقريبا على هذي الادويه بشكل منتظم بعدين رحت فتحت لي ملف
في عيادة الروماتيزم في المستشفى الحكومي لان تكاليف الكشف والتحاليل بصراحه كانت مكلفه شوي
شافني الدكتور وسوا لي اشاعه لايديني وسوا لي تجميع بول 24 ساعه ( وانتم بكرامه) وسوا لي تحاليل
من جديد قال انتي احتمال عندك ذئبه حمراء راح نتاكد من التحاليل واعطاني كالسيوم وكرتزون مع المسكنات لكن حسيت الدكتور صراحه مو ذاك الشطاره فقررت اغير الدكتور واخذت لي موعد عند استشاري روماتيزم شافني ومن اول نظره لايديني
قال خلاص انتي فيك روماتويد قلت طيب شوف التحاليل قال مايحتاج قال خلاص سوي ابره تحت الجلد
لجل نبدا معك علاج ابر انمبريل << اعتقد كذا اسمها والدكتور مررره ماشاءالله نفسيته حلووه ويعطيك تفاؤل
قال لي راح نسوي لك ابره تحت الجلد الاسبوع الجاي ان شاءالله وتعالي بعدها بيومين واذا طلع نتيجة الابره
سالب راح نبدا معك العلاج باذن الله واذا موجب لا ماتقدرين
ولمدة سنه باذن الله تتشافين يارررب يكون كلامه صحيح انا متفائله جدا
ادري طولت عليكم بس لاني اووووووول مره ااشارك في تجمع

لي عوده باذن الله