بنات تكفون ساعدوني قبل انجن ... خطيبي

انا انخطبت من واحد الكل يمدح فيه ويقولون انه خلوق وطيب
واهله ناس محترمين الحمدالله
بعد ما استخرت وارتحت تمت الخطبه
وهو ماشالله توب بالشكل وبالاخلاق
حددنا يوم للملكه وتلبيس الشبكه
جاء ولبسني الشبكه وطلع ما اخذ رقمي ولا حتى جبر بخاطري بكلمه
انا ما امدح نفسي بس الكل يشهد بجمالي الحمدالله وهم يهمهم الشكل وراعين كشخه
عشان كذا استبعدت اني اكون ما اعجبته بس استغربت وش فيه
طلع من غير لاياخذ رقمي مر يوم ويومين واسبوع واسبوعين ولا فكر ياخذه
لما اتصل اخوي عليه وقاله اذا ودك تكلمها ماعندنا مانع
قال اوكي وخذا رقمي وولافكر يدق علي دخل علي بالواتس وكلامه رسمي مره
لما انا حركت الجو وصرت اسال وهو ماغير يجاوب واحس فيه لا مبالاه مايسال عن
وش ودي وين نسافر وش بنسوي بحياتنا الجديده
الرومنسيه صفر
هو صح انه يقولون انه حياوي بس مو لهالدرجه احس طبعه كذا مادري بنات احس ماارتحت لكلامه  
اللي اعرفه ان اللي توهم خاطبين يطيرون بزوجاتهم انا العكس
احس طفشانه منه ومو مرتاحه .. الله يخليكم شوفو لي حل هل وضعه طبيعي
ومن مرت بنفس التجربه طمنوني والله قلقانه :(

70 تعليق 33,976 مشاهدة

شاركي في النقاش

سجلي الدخول لإضافة تعليق.

التعليقات

70
  1. @mgnon_shaaolty

    اللحين لاجاء وقالك كلام حلو ورفع فيك للسماء قلتوا هذا متعود اكيد وراعي سوابق وان جاكم مؤدب ومحترم قلتو معقد الحمدلله والشكر وربي اني ضحكت غصب عني يابنت الحلاااااال اصبري الرجال توه مالك عليك يمكن هو من النوع اللي ماعمره كلم بنات ابدا ولايعرف شلون يبتدي معاااك ترى الرجال مثل الحرمه يتوتر بهالامور مشكلتكم فاهمين ان الرجال خلاص لازم يتجرد من الحياء بهالاشياء سلامات يارومانسية زمانك ووقتك انتي
    بعدين وشو اللي تحركين الجو اثقلي اثقلي تعلمي الثقل وشي طبيعي بيكلمك برسميه لسه الرجال ماعرف مويتك على قولتهم وش تبينه يسوي يضحك عليك ويقولك هلا بحبي وحياتي حطي براسك شئ الرجال اذا البنت ماعجبته ترى مافيه شئ يخليه يتحملها وبنات الاجواد كثييييييييييييييييييير
    انا اخوي ملك على بنت خالتي كلمهاااااااا بعد الملكه ب 4 اساابيع وخبص في الكلام لين قال بس وتعود عليهااااااا ويكون بعلمك خالتي اللي عطته الرقم بنفسها وقالت بيتنا مفتوح لك باي وقت وخذ راحتك من ناحية المكالمات

    لاحول الله ولاقوة الا بالله

    الله يتمم عليك بس
  2. @am_almhabyl_1

    طبيعي يثقل

    كلن وطبعه

    بالعكس هو عاقل عشان كذا مايبي مشاكل انت قبل الزواج عسل ومعرف ايش

    هو ماخذها من الاخر ومايبي يبين لك شخصيته الا عقب الزواج


    وصلت فكرتي


    موفقه
  3. اذا حياوي ف شي طبيعي يكون كذا واكثر

    انا اعرف وحده والله لها سنه مملكه ماطلب رقمها ولا يزورها ولاشي لانه يستحي سنه صبرت وتحملت وساكته والله يعوضها ويكون لها احسن زوج بعد الزواج ولين الحين ماتحدد زواجها

    بالنسبه لزوجك اصبري شوي شوي طلعي الكلام منه وعشان يتجراء يزورك ابدي انتي اساليه قولي متى اجازتك .؟ يعني بزورني وكذا وبتاخذو على بعض مافي شي كذا بسرعه صدقيني فتره ويتعود عليك يصير يتصل ويسولف معاك ويزورك وكل شي نفسسك فيه بس الخجول يبغاله صبر وشكل اخوااته مايقولو له انو لازم تكلمها وتزورها اذا ماعنده اخوان تزوجو قبل


    الله يألف بين قلوبكم يجمعكم على خير

تابعي تجارب أخرى من هذا القسم.