يخلون غيره يلطعون وهم على ابرد ما يكون

مرحبا فيه عاده قبيحه عند بعض البنات ايه نعم عاده قبيحه انا اعتبرها وهي اذا كانو اهلها بيروحون لمشوار تجلس ساعه على ما تخلص وهم يخلصون ويجلسون بسياره يستنونها وهي حظرتها لاطعتهم زي امس كنا بنروح لمشوار وكلنا جهزنا ولبسنا عباياتنا وركبنا وجلسنا في السياره نستنى اختي تشرف ونستنى وارتفع ضغطنا حوالي نص ساعه ومتنا حر واخوي يهدد ابمشي واخليها وحنا نترجاه وبلاخير شرفت الاخت ببرود ولا كنها سوت شي وانا ما ملكت نفسي جلست اصارخ عليها قلت هذي ما هي حاله كل ما جينا نروح لمشوار تسوين فينا كذا يختي احترمينا انت جالسه على مهلك تتزينين وحنا الي نترجى اخوي لا يمشي عنك والله اني كرهت الخرجات بسببك وما هي اول مره تسوي كذا وزيها بنات عمي الله يهديهم معنهم كبار ومتزوجات اذا بغو يروحون مع اهلهم لمشوار ابوهم المسكين يجلس يستناهم ساعه ويرتفع ضغطه ويهاوش وامهم ميته خوف وتترجاهم يخلصو وهم ولا هامهم على ابرد ما يكون وايضاً عاده قبيحه ثانيه وهي ان اذا جلسو الناس على الاكل غداء او عشاء تروح الوحده تقطع بطيخ او تروح تكلم والناس يستنونها يعني ما فيه احترام للموجودين ابداً