انصحوني اساعد زوجي ماديا والا لا

استغرب من تفكير بعض الحريم !!! يعني هاذا زوجها وتقول مايقصر معاها ليه ماتعطيه

يعني الحين هو بياخذ الفلوس بيروح يشتري له مثلا هو بيشتري حاجيات البيت لكم كلكم ويمكن الفلوس اللي تعطيه يروح يشتري فيها طلبات لها

اعطيه واعطيه اللي يكفيه وكل شهر بعد اعطيه من راتبك اما بالنسبه للتبذير فحاولي شوي شوي تقنعيه ان في اشياء مو

ضروريه نشتريها او اذا جاء رايح يشتري الاغراض روحي انتي معاه واشتري انتي اللي تعرفين ايش ناقص البيت

هاذا من وجهة نظري انا اشوف الحياة الزوجيه مشاركه وكل واحد يساعد الثاني

تبغي تساعدي أهل بيتك
وتأمني مستقبلكم بإذن الله
فكري لبعيد
إذا هو مبذر ومايفكر ببكرة
لا تصيري زيه حتى لو هو حبيب وطيب
إجمعي ولمي لارض ولا لبيت
وإذا صعبه عليك إشتري لك بيت عن طريق البنك
وخليه يتضامن معاك
صدقيني وقتها راح يصير مجبر يتعلم التوفير والإقتصاد
ترى بعض الرجال طيبين بس ربي يهديهم مايعرفو يمسكو يدهم
نفسهم ضعيفة ومايقدر يسيطر عليها
وبعد عمر طويل بإذن الله يصحو ويتندمو وممكن يلومون زوجاتهم
إنهم ما أخذو موقف حازم معاهم
ربي يخليه ويسخره لكم.....

لاتعطينه ولا ريال هو رجال ويدبر نفسه ماعليك منه
ماتعتبرون من قصص الحريم اللي تعطيه وتعطيه واخر شي اعرس عليها الله لا يبلانا
بعضهم جحووود لا جاه الفلس راح فلها مع اخوياه وسافر ولا جاب خبر حرمته

اب

اذا اعطيتي شي لاتمنين عشان ربي يتقبل منك ويبارك لك فالرزق
قال تعالى ( يَا أَيُّهَا الَّذِينَ آمَنُوا لا تُبْطِلُوا صَدَقَاتِكُمْ بِالْمَنِّ وَالْأَذَى )

اشوف مافيها شي هذا زوجك وقلتي مايقصر معاك اهم شي لاتنقصي من رجولته وتحسسيه انو يشحذ منك