ساعدوني كيف اتصرف ادخلووو ضروري

السلام عليكم ورحمه الله وبركاته

بنااااااااااات انا متورطه وبقوة ياريت الي تعرضت الي مثل موقفي تقول لي وش اسوي السالفه انه مرت اخوي مدرسه وتدرس بديره بعيده عن ديرتها وتخلي عيالها عند اختها العزابيه الي ببيت امها يعني البيت فيه الام والاخوات 2 وخدامه عشان ينتبهون لاطفالها والمغرب يجي ابوهم الي هو اخوي وياخذهم ويعشيهم وينومهم وبس الي صار انه الحين جايه الاختبارات وهي هناك بالديره الي تدرس فيها
واهلها الي هم خواتها وامها بيسافرون ماليزيا بيقعدون شهر كااامل وحتي الخدامه بيعطونها اخوهم المتزوج ومرت اخوي تقول لي خلي عيالي عندك لين انا اخلص او يرجعون اهلي يعني شهر تقريبا طبعا عيالها 3 اولاد واحد بالروضه وتوام بالثاني ابتدائي وبنوته عمرها سنتين ونص وانا لحالي بشقتي يعني تخيلو كل يوم الساعه 7 بيجيبهم لي اخوي ومابيرجع ياخذهم الا العصر او المغرب اذا خلص من شغله انا مااقدر اسيطر عليهم نهائيا وخاصه التوام لا وبعد الخدامه مو معهم كان تساعدني ومابقدر اطلبها لانها خدامت بيت اهلها وبياخذها ولدهم وانا محتاسه بعمري ماادري وش اسوي
والي زاد الطين بلا انه زوجي ماخذ اسبوع اجازه من شغله عشان يرتاح لانه كان منضغط الفتره الاخيره بالشغل وييييييييييين بيرتاح وهم اذا جوني ساعه يخربون الشقه فوق تحت ويكسرون شغلات هذا بساعه كيف لو جو من الصباح للمغرب وانا جالسه احاتي مااقدر اردهم ولا عندي عذر عشان اخوي لا يزعل وبنفس الوقت صعععععععععععععبه مره اتحملهم شهر كامل ماشالله 4 عيال يبي لهم شغل وحوسه وحدي اصارخ عليهم مااقدر اضربهم زوجه اخوي تزعل مره احد يضرب عيالها وهم مدلعين مره يعني حتي مايقولو لهم اقعدو او عيب يابابا مايسوون كذا والله محتاسه بنفسي ومو عارفه وش اسوي والي مبهذلني زوجي هو متضايق من الحين قبل لا يجون بس ماوده يقول لي وخاصه اخر مره جوني من 3 اسابيع زياره مع امهم وابوهم واحد من العيال كسر الرسيفر تبع التلفزيون واخوي قال لي بيدفع قيمته قلت له لا ومايسوا وغير هذا لصقو علك بالكنب واحتست فيه والولد الصغير حاس لي الحمام حوووووس وحتي غرفه النوم يدخلونها من وراي والمخزن يلعبون بالشكولاتات والاكل وحتي السكر لعبو فيه ورموة علي الارض وصار يطلع لي نمل بالمخزن والله اذا جوني ساعه اتاذي منهم وشلون شهر كل يوم عندي ياناااااااس ياهوووة انصحوني وش اسوي ووش اقول مااقدر ارد اخوي ابي سبب مقنع يخليني ارفض استقبلهم وامهم تقدر توديهم حضانه وخاصه صديقتها فاتحه حضانه بس تاخذ علي الطفل 500 والي فهمته منها انه غالي وماودها تدفع هي توديهم بعض الاحيان بالساعات بس من الصبخ الي المغرب اكيد بتدفع لها مبلغ وقدره عطوني سبب او حجه قويه يخليني ارفضهم وبدون مايزعل اخوي وزوجته مني

للمعلوميه اخوي عمره ماطلبني طلب ورديته ودايم اخدمه ومو مقصره معاه ولا مع زوجته مع العلم انها اقل وحده من حريم اخواني علاقتي فيها هي رسميه معانا كثير وقليل اشوفها مع ذالك ودي اخدمها بس هالشي احسه فوق طاقتي بكثير يااارب فرج همي وهم جميع المسلمين والمسلمات
الله يرزق كل وحده ترد علي الي تتمناه يااااااااااااارب