في امس الحاجه لاراءكم ووجهة نظركم

السلام عليكم .. لا اجيد المقدمات .. انا معلمة مرحلة ثانويه ولله الحمد محبوبه من طالباتي لاني قريبه من تفكيرهن ولاني افهم شخصية كل وحده فيهن انا اخاف الله فيهن قدر الامكان لاحظت من بعضهن الحب والتعلق فيني واكثر من مره نبههتهن عن الاعجاب وحكمه واعيد واكرر اني عمري ماحبيت ووحده فيهن اكثر من الثانيه لانهن كلهن بمثابة بناتي لكن وحده منهن ما ادري كيف جابت رقمي وتراسلني ع الواتس اول ما كلمتني هاوشتها وسالتها من وين جابت الرقم واعتذرت ووعدتني تمسحه بعدين رحمتها قلت مو القصد انك تمسحيه بس انا ما احب اكلم طالباتي واتس ولا جوال انا تحت امركم في المدرسه ... بعدين نصحوني بعض الاخوات انها ممكن تكون اعتبرتني صديقه او اخت كبيره لها وانا بالطريقه هذي ممكن اخليها تلجأ لطريق غلط عشات تشتكي له وفعلا اول الامر ترسل لي رسايل دينيه بعدين صارت تشتكي لي من مواقف صارت معها بالمدرسه وانا دايما اوجهها واذا كلمتها اتعمد اقول اخبار اختي الصغيرونه حسيت الكلمه هذي لامست فيها اشياء وبالذات ان امها شديده عليها مره .. وذاك اليوم ارسلت لي رساله غزليه بعدين اعتذرت وقالت ماعليش يا ابله بالغلط راحت لك وانا متاكده انها مقصوده بس فهمتها اني عديتها وقلت عادي حتى لو مو بالغلط مشاعر حلوه ليش تستحي منها قالت لا لانها مو لايقه اني ارسلها لمعلمتي قلت انا عارفه انكم مراهقات وهذي مشاعر مراهقات وفهمتها ان الحب عمره ماكان عيب ولا حرام بس يكون لا حرام ولا شاذ زي حب الاهل والزميلات والمعلمات لكن العشق يكون بس لشخص واحد اللي هو زوجك باذن الله .. يعني فهمتها الفرق بين الحب والعشق... اسفه طولت عليكم بس الشي اللي بستشيركم فيه اني انا حاسه ان مكالمتي لها غلط بغلط اخاف تتجاوز حدودها معاي وبالذات انا راح ادرسهم السنه الجايه باذن الله هل انهي علاقتي معها ولا اكمل معها هي لحد الحين ماتجاوزت حدها وهي طالبه متفوقه ومحترمه وماعندها جوال تراسلني من جوال امها ارشدوني رغم اني مرشده طلابيه الا اني وقعت في حيره ياليت اللي عندها خبره تحدد لي معالم وتضاريس هالعلاقه بالضبط هي صح ولا غلط تستمر ولا توقف ... رجاء بدون تجريح او سب بس اعل الخبره والذوق مسموح لهم بالردة.. ملاحظه انا ملاحظه تاثرها بكلامي يعني مره نصحتهم بصلاة الضحى لقيتها هيومجموعه معها يصلون الضحى بالفسحه ...