مشكله تحوم الكبد لصديقتي وقريبتي واكثر من اخت ساعدوها طالبتكم

اتوقع يخافك تشوفين حالك عليه والا لو مانت قد انك تقومين بعزيمه لوحدك مكان عزم. هو واثق منك ومن شطارتك
هو يبغاك تكونين احرص وتستمر ين ع كذا. وهو نادرا انه قاعد يحطمك
قلي انت بأسلوبك هذا قاعد تفقدني ثقتى بنفسي وتحسسني انى ولا شي اعرف حريم اقل منى ورجالهم يرفعونهم للسماء. المفروض احصل منك عون ومساعده ورفع معنويات اذا مانت قادر تشكر عالاقل لاتعلق وتذم عالاقل اعرف انى سويت زين

اي تصرف هذا يعني معليش صارت الدعوا مذله ومنّه ومهزله غير انه كارفك :) ااخ بس الله يعظم اجرك
والله بالنسبه للّي يقول اصبري تفاهمي كلميه بالحسنى هذي للأطفال للمراهقين الي مايستوعبون ومايحسون بمسؤليه لاكن رجال طول وعرض لاوالله الا سلمتس الله اقعدي معه وتكلمي بكل اريحيه لاتهوشين لا لاكن قولي سلمك الله اناماجيت من بيت اهلي عشان ترفع خشتك علي وانا اذا قمت بك وخدمتك هذا من سناعتي لاكن الدنيا اخذ وعطى ياحبيبي اذا بتلت ع حالك ونفسيتك وعدم تقديرك لي لاتنتظر مني اني راح اصبر وارضخ واحاول جاهده ارضيك لايابعد روحي انا ماجبتني شغاله براتب الف ريال شهريا وتسفرني انا زوجتك وخصوصا ان الدين امرنا بواجبات زوجيه لايدخل من ضمنها الطبخ والنفخ والتنضيف ومع اننا نقوم بها بعد بيعاملني بذا الطريقه قولي هالكلام فيه وجهه ولا عندك فيه ترا كثييييير من الرجال يحب الحرمه الي تبين قوتها في المواقف المناسبه وتعز نفسها اما الي تلبد وتسكت وتشكى للعالم وبس هذي ماراح تلقى الا الهبني والعيشه القشرا

والله يسخره لتس المراد لاتسكتين (الصراحه )هذي شي عظيييم .. ومو مطلوب او محكوم علي اتحمل نفسيته واسلوبه الخايس ما خذني والله من الشارع علشان اسكت وانطم وحاظر وطيب قولي له ان مالقيت من يعزني لاتلومني اذا تغيرت والله حرام كل مادخلت ذالقسم حسستوني اني في الجاهليه ليه الحرمه اصبري اسكتي باسلوب مدري ايش الا تكلمي وازعلي واسحبي عليه ووريه شغله اذا هو يبيله قبصة اذن ع قولتهم

وبالنسبه للغرف الي مضيق عليكم علشان اهله لو جو قولي استح ع وجهك وفكر بعقلك كانك بزر مضيق علينا في عيشتنا وفي بيتنا علشان لو جو اهلك بالله عليك اذا ماارتاح الواحد في بيته وين يرتاح ولا الي يسمعك يقول مسكنها في فلّه دورين والغرف عندكم لاتعد ولاتحصى يعني بالله عليه هذا شي منطقي حاشرني عشان لو جو اهلي ولا بعد غرفتين !! افتحيهم وحطي الي تبين قولي ولايهمك انت مالك الا اذا جو اهلك بحطهم في عيوني الرجال احيانا كانهم بزور سايريه لاتسكتين له اتمنى والله يقرا كلاميييي وماقلته الا لاني حاسه فيك ياعمري الله يسخركم لبعض ويهنيكم ويحسن احوالكم

وعذرا ع الاطاله

اوبن ذا دور بيقولك نعم قووولي اوبن ذا دور بلييز