الحمدلله ولدت !

بسم الله
السلام عليكم جميعا
خواتي الغاليات
ابشركم ولدت بعمليه قيصريه والحمدلله فيه الم بس بحول ربي فتره ويروح
واول مشاكلي
الحليب
بنتي بالعنايه وصدري يعورني وكنت اشفط بالمستشفى وطلعت وشريت لي شفاطه تعورني مااقدر اكمل فيها من الالم اخاف اخذ حبوب تنشف الحليب وتطلع بنتي وماااقدر ارضعها.. كيف اسوي
الثانيه
اليوم طلعت من المستشفى ولي رابع يوم من الولاده وش اشرب قشر ولا ينسون ولا ايش ...والاكل وش احسن شي ... ماعندي احد يساعدني ولااعرف وش اسوي ...وش تنصحوني فيه ..
الثالثه
دايم احس بحراره في جوفي واخاف من المكيف .. والحين حر ومع العمليه مااقدر البس الا فضفاض واخاف من الهواء .
الرابعه

جايتني حاله بس ابكي وخايفه حيل وودي اصلي وادعي وانا نفاس كيف اسوي اتوضاء واستقبل القبله واقراء القران بس بالجوال طبعا تكفون علموني ...

............................
وتكفون ادعوا لبنتي ان ربي يشفيها وماتحتاج لااي عمليه وتطلع من العنايه قادر ربي يحي العظام وهي رميم ويردها لي رداً جميلاً تكفون ادعوا لي ولها .. ربي كريم ومن صفاته الرحمه والكرم وانه هو الجبار فيا جبار السموات والارض اجبرني وارحمني واكرمني .. تكفون ياخواتي اهلي بعيدين عني وماعندي احد غير ربي .. يارب ياكريم ياحبيبي ارحم ضعفي وقله حيلتي..

16 تعليق 3,578 مشاهدة

شاركي في النقاش

سجلي الدخول لإضافة تعليق.

التعليقات

16
  1. @msakm_mtr

    ياعمري الحمدالله على سلامتك والله يشفي بنتك ويقر عينك بها انا قبل سنه وسبعه شهور كنت والده قيصري والحين حامل لي سبعه شهور ومره خايفه من القيصري مره ثانيه الله يكتبلي ولاده طبيعيه سهله ميسره يارب ويتمملك الاربعين على خير انا بالنسبه كانت اسواء اربعين مرت علي لاني كنت متخوفه اخذ اعشاب وبالنسبه للصلاه طبعا انا كنت اقراء وردي بس وادعي ان ربي ييسرلي ولاتخافين عيشي حياتك طبيعي الالم لابد منه بس ****لله كلها ايام وتعدي على خير ولا تخافين
  2. @amyrthm_ghsb_aanhm

    ياعمري الحمدالله علي سلامتك والله يفرح قلبك بعافيه بنتك ياكريم
    سوي لك قرفه وقشر قهوه واشربيهامرتين في اليوم وصلحي لك يانسون يطلع الغازات الي في بطنك ويريحك كلي برررر وخلي شربك داااافي والصباح صلحي ككاس حليبب مع ملعقه حلبه مطحونه وازين شي حلبه اليمن وصلحي شوربه ماش مع اللحم تجبر عظمك حتا لوتخليه وجبه غداء مغذيه ومفيده والعشاء صبيب اومراصيع برمع عسل وسمن وتدفي زين وخلي الشراب عليك 24 س وجرحك هويه وامسحي فقط عليه مسحه طبيه واذا جوك ضيوف شمي مره وامسحيها حولين الجرح موالجرح واكثري من الحمد والاستغفار وشغلي اذاعه القرااان وشغلي التكيف بس قصري عليه وخليي ملابسك قطن بكم ادفاء لك مع المكيف وطبعا البنطلون مايحتاج وبالنسبه لصدرك جربي الكمادات الدافيه ومالك الا الشفط الشكوي لله واخيراااا دعواتك لي بالولد الذكر الصالح التقي ياااارب
  3. @sg_alaasyry

    الحمد لله على السلامه حبيبتي اشربي اشياء دافيه وابعدي عن المشروبااات البارده اشربي ينسون وقشر وحليب الله يرجع لك بنتك وتشوفيها بين يديك مثل القمر عليك بالدعاء

تابعي تجارب أخرى من هذا القسم.