انا وزوجي كنا طالعين مشوار وهو نزل وانا طلبت منه جواله لان جوالي مفصول مافي شبكه واعطاني اياه وجلست اقلب في الجوال وادخل في الواتس والاقي ولد خاله (الحقير) مرسل صورة خليعه وتوه زوجي مافتحها
جيت انا كتبت لولد خاله كلمتين بأسلوب حلو سلمت عليه وطلبت منه بأدب مايرسل أشياء زي كذا وواضح من الأسلوب انه انا اللي كاتبه ومو زوجي وفي الاخير دعيت له ان الله يوفقه وحذفت الكلام لامن شاف ولامن درى . <<< الله لا يوفقه توقعته انسان عاقل وممكن اذا كلمته يفهم ولكن الوقح بعدها بشوي
اتصل على جوال زوجي الثاني النوكيا وواضح من المكالمه انه يسأل جوالك الايفون وينه يعني انتبه ان زوجتك قاعده تتفرج فيه وقال له اني ارسلت له !!! حسبي الله ونعم الوكيل فيه طول امس وانا اتحيسب عليه سبب بيننا مشكله جعله يفقد عيونه الحقير .
زوجي مرررررة منقهر مني ويقول فشلتيني عنده (على فكرة ولد خاله هذا بزر اصغر مني )
وزياده يبيني ارجع للبيت لاني في بيت اهلي من اسبوع تراجع عن كلامه كان يبيني اجلس الين ينزل الراتب والحين يبيني ارجع بس كذا انتقام مني وانا رافضه طبعا حاولت اراضيه وجبته مع كل النواحي وكسحني حتى جربت اكلمه بالطريقه اللي انتم عارفينها وعلمته ان الدورة خلصت وبرضو كسحني وهو عمره مااااكسحني اذا كلمته كذا :icon33:
الزبده انا حقدت عليه هو و ولد خاله الله يوريني فيه عجائب قدرته وابي انتقم من زوجي لأنه صدني حسيت نفسي مرة غبيه :44:
وغير كذا مااااااابي ارجع بيتي ابدا الان ودي اجلس عند اهلي كمان كم اسبوع :44:
وش اسوي انصحوني وبلاش نفسيات
الموضوع مغلق