بنات ضايق صدري من الكلام اللي سمعته ادخلووو ريحوني ابنفجر

شوفي مابجاملك مثل باقي الردود .....
واضح ان حياتك مو مرتبه وعيالك اغلب اكلهم تحت عند اهل زوجك مافيها شيء اذا تبي تطمن على ولدها وبنته
وشكلك من الحريم اللي يومها كله نوم وعادك تكتبين روحي عدلي امور حياتك وتسنعي ولاتطلعين غيرك الغلطان وانتي
الغلط راكبك من راسك لرجولك وبعد عندك فقر دم والله من نظامك اللي ملخبط مدري كيف ...... ياختي لاتزعلين من كلامي اذا انتي عندك فقر دم اجل بنتك وشلون:confused: !!
ذكرتيني بناس نعرفهم غذاهم عشاء ووعشاهم سحور وحياتهم مقلوبه لانوم بمواعيده ولاصلاه بمواعيدها
وبناتهم اذا دخلوا عندنا تقولين عمرهم ماشافوا الاكل والله البنت تأكل كانها اول مره تشوف الرز وسالتها امك ماتطبخ لكم
قالت لا بس اندومي وكورنفلكس واكثر شيء جبنه وزيتون وقلت امك وش تسوي قالت تنام بعد الفجر وتصحى العصر
وتسوي شاي وتجلس على الاب توب وبس ولا نروح عند اخوالي
واللله حرام وش ذنب الاطفال راح تسألين عنهم امام رب العالمين كلكم راع وكلكم مسؤل عن رعيته
وام زوجك ماغلطت امهاتنا كلهم الله يحفظهم يحبون يشوفون اولادهم واحفادهم بصحه زينه...بس حريم هالزمن الله المستعان تجيك الوحده كلها عيوووب وتعيب بالناس لو كنتي سنعه وامورك تمام ماتذمرتي وانتي الغلطانه
معليش عفوا انصحك افضل من ان اجاملك قومي بحياتك قبل تندمين ويجيب وحده سنعه :7_2_103v:وساعتها تندمين:scream:

وسعي صدرك

يأختي لاتصيري حساسه انما الاعمال بالنيات ولكل إمرا مانوى لاتظلميهم وانتي مانتي عارفه نيتهم ترى هذا حرص من الجده والجد والله امي كذا مستحيل تاكل إلا اذا ادينا اولاد اخويه من الاكل تخاف انهم ما أكلو رغم امهم مو مقصره معاهم ومرة اخويه عادي عندها بالعكس تقول لامي اولادي يحبو اكل جدتهم بعدين حرام بنتك تجلس لليل عشان تتعشى سويلها اكل ع قدها لانها ترجع جيعانه ويمكن اهل زوجك عارفين انو ماتطبخي غدا عشان كذا شايلين همها

حبيبتي انتي اصبري هم عجايز ومابقى في العمر كثر مامضى عاد انا عمتي ام زوجي بتكون اخت ابويه ومستلمتني لقافه واساله وتحرض زوجي علي والحمدلله صابرة

حطي نفسك مكانها وانتي تعرفين انتي صح او غلط