اخواتي انا مريضة بحالة غريبة ماني قادرة افهمها دعواتكم لي بالشفاء

انا تجيني نفس الحالة اكتشفت أنها من القهوة والنسكافية الكافيين مايناسبني

انا كانت تجيني هالحاله ايام ماكان فيني حصى بالمراره وقبل ما اسوي العمليه بس الفرق اني اوقف لاشعوريا واطلع برا الغرفه مثلك بالضبط اصحى فجأه واحس قلبي ينمسك وينسحب وخايفه ومنفجعه وما ادري عن نفسي الا وانا طالعه للصاله

السلام عليكم ..

1- سوي التحاليل وتأكدي إن مافي سبب عضوي .
2- حافظي على الأذكار قبل النوم خاصة آية الكرسي و المعوذات وشغلي سورة البقرة عندك ،لتعالجي الأمر إن كان روحي .. وحتى لو لم يكن روحي فالقرآن يُنزل السكينة ويشعر بالطمأنينة.
3- إقرئي عن نوبة الهلع وأعراضها .. لتتأكدي إن كانت نفس الحالة إللي تعانين منها أو لا .

إذا سويتي كل هالأمور الثلاثة وإستمرت الحالة وتأكدتي إن مافي سبب جسدي أو روحي أو نفسي ..
فـ وسعي صدرك والأمر عادي وطبيعي لاتشيلي همه لأن القلق ممكن يسببه ..

وإقرئي عن شي إسمه العالم النجمي و حالة الخروج من الجسد ..
وأدري إن كلامي ممكن يكون غريب بالنسبة للي ماسبق وسمع وما مر بها ..
بس كانت تجيني أحيانا هالحالة (خاصة لما أكون تعبااانة جدا وجسمي يبغى ينام وفي نفس الوقت وراي أشياء وماودي أنام عشان أخلصها )

وأعراضها تختلف ممكن البعض يحس إنه على أمواج ( أو مرجيحة) يصعد ويهبط ،
والبعض إنهم يسقطون من مكان عالي ، أو يسقطون داخل تابوت ،
(المهم يشعرون بعدم الثبات)
والبعض يحس بكهرباء شديدة تسري في كل جسمه ( غالباً هذا الإحساس عندما يحاول الشخص تعمد الخروج من الجسد وليس عندما تحدث تلقائياً )
والبعض يشعر بأنه يُسحب للأعلى ..
أو العكس أحيانا .. لما يستيقظ يشوف نفسه يُسحب لجسمه النائم حتى يستقر فيه ويستيقظ .

والبعض ممكن يستمر وعيهم إلى أن يحس نفسه إنفصل عن جسمه ويشوف نفسه وهو نايم
وهالحالة تتعب وتحسين نفسك بذلتي مجهود لما تقومي من النوم ( خاصة إذا كان وعيك استمر لفترة طويلة أو تحركتي وأنتي خارج جسمك )

و لما تصيرلي هالحالة ما أكون خايفة .. لأني أعرفها وأعرف إني من الناس إللي عندهم قابلية لها .
ولأني متأكدة تماماً إن هالحالة ماتصيرلي بسبب روحي وما أتعرض للإيذاء الروحي خلالها ،لأنها ممكن تصير لناس بسبب روحي أو يؤذون خلالها "وهم يعرفون و يحسون بهالأمر" .

والعكس مرات أحاول وأتعمد أدخل في هالحالة ^^ << أحب أستكششف و أجرب نفسي زيادة

وربي يطمنك ويريح قلبك و يحفظك ويشفيك ويعافيك من كل داء علمتيه أو لم تعلميه.

الله يشفيك يارب