بنات تعالوا ضروري الله يفرج هم كل من ترد علي

مرحبا بنات
كيفكم ان شالله بخير
بنات انا مضغوووطه جدا والله ابي ارتاح وابي احد يريحني لان جد نفسيتي زفت زفت بقولكم السالفه وعطوني رايكم
بنات انا حامل بالشهر الثاني والحمل ضعيف ومعاي نزيف الزبده ان زوجي قبل شهرين سافر للامارات سياحه ثلاث ايام ورجع وانا اثق بزوجي مو راعي حركات وخرابيط وحريص ع نفسه الحمدلله وماقدرت اسافر معه لان امي كانت تعبانه وجلست معها المهم لما حملت وتعبت رحت للاهلي عند امي وخواتي قبل اسبوعين وقبل كم يوم قالي انه مسافر عشان عنده شغل برا في دبي وماحسيت بأي شي وقلت له اذا شغل توكل ع ربك والله يسهلك الحاصل اتصل علي يسألني قبل طيارته بيوم عن مفتاح شقه يملكها بدوله عربيه قلت انت مو رايح شغل لامارات قال اي بس انا اسأل عن المفتاح فيه ربعي بيروحون ويسكنون بشقتي هناك انا طنشت واخذتها فبرودة اعصاب ومابينت شي سالته وحلفته قال انا قلت رايح عندي شغل ولما سافر قالي بيفتح شريحه جديده لان سعر الدقيقه هناك خمسه ريال وبيقفل جواله من وصل يكلمني دقيقتين ويقفل جواله ويقول شريت شريحه بس مارضت تشتغل والجوال اذا شغلته يصرف علي وانا يابنات مادقيت عليه وطنشته بس اذا دق علي دقه ارحع اتصل ويطلع لي نغمه مدري اللي تعرف للخطوط او كلمت قبل كذا للامارات تطلع هالنغمه لانها مو النغمه العاديه المحليه وابي اعرف ليش مسكر جواله انا اثق انه ماعنده خرابيط بس محتاره جد ومابي ابين له اني مقهوره وحتى مدري متى يرجع افيدوني بنات وجاوبي ع اسئلتي

15 تعليق 1,228 مشاهدة

شاركي في النقاش

سجلي الدخول لإضافة تعليق.

التعليقات

15
  1. @sweet_forever

    حبيبتي رددي
    اللهم اني استودعتك زوجي وسمعه وبصره وفرجه وقلبه ولسانه يامن لاتضيع عنده الودائع
    وادعي ان الله يبعده عن المحرمات واستغفري
    ولاتوسوسي لانك حامل
    الله يبعده عن المحرمات يارب
  2. @om_fofa

    صاحبة الموضوع
    تسلمون ع الردود انا اللحين ابي شي يريحني اذا جاء يصير خيرخصوصا اني مو بنفس ديرتي انا بديرة اهلي يعني لما يرجع السعوديه يجي ياخذني من عند ديرة اهلي عشان كذا هالمره اخذ راحته وحجز واتا ماشفت لاتذاكر ولا غيره ولا ادري وين راح
  3. @am_god_alhmd

    اذا قصدج ان رنت التلفون طويله مو مثل العاديه فهذا شي طبيعي انه محول جواله دولي
    ريحي راسج ولاتغثيني حالج مصيره يجي وتشوفين جوازه وتعرفين ( اذا كانت الدوله اللي يسافر لها من دول الخليج يقدر يسافر في بطاقة الاحوال فما راح تعرفين وين رايح ��)

تابعي تجارب أخرى من هذا القسم.