خـاويـنـي وبـخـاويـج وبـاخـذ ريـلـج وبـخـلـيـج!!!

غزولة الله يسعدك دائما مواضيعك مميزة بارك الله فيك

انا اؤيد المثل تماما من واقع جارة لي هذا ما حدث معها بالضبط
بس اتوقع الافضل تكون العلاقة فيها رسمية احسن للطرفين
موفقة حبيبتي

أخواتي في الله أسعدتني مداخلاتكن ومروركن الأروووع...
الزمن هو الزمن ما اختلف اللي اختلف الناس ونواياهم وكلٍ همه مصلحة نفسه وسعادته وما عليه من غيره حتى لو كان أقرب الناس له...نسأل الله العفو والعافية والمعافاة التامة الدائمة في الدنيا والآخرة...

لا اله الا الله
يسعدك ويسعد رمساااتك ياغزالتناااا
هههههههه زمان الوحدة تخاف ان زوجهااا يتزوج عليهاااا وهو بكامل قواه العقليه
وفي هذا الوقت الوحدة تخاف زوجهااا ينخطف منهاااا
بسبب كثر تحرش النساء بالرجال عيني عينك وامام زوجته
وبسبب مدح الزوجة لصديقتهااا ووصفهااا امام زوجهاا اللى بدوره قام وتزوج الصديقة وهذه حصلت عندنا والمشكلة كلهم معلمااات
وبسبب الغيرة والحسد من القريباات
نسال الله السلامة

صادقة حبيبتي في كل كلمة كتبتيها...بس أنا دايماً أسأل نفسي هذا السؤال اللي تبني سعادتها على تعاسة غيرها تعرف ترتاح في حياتها وتتهنى بالمسروقات اللي سرقتها وهي تدري أن الدنيا دوارة ومثل ما غدرت راح ينغدر فيها؟؟؟...الله المستعان...
أسعدتني مداخلتج ومرورج الأروع يا الغلا...

موضوعك رائع لذالك انصح من هذا المكان كل زوجه تخاف على بيتها تخلي علاقتها الزوجيه داخل سورمحكم في قلبها ولايطلع عليه اي احد مثل ماتفضلت اللي قبلي قصة المعلمتين اللي خانت صديقتها واخذت زوجها هذي اعرفها عز المعرفه وقصتها تدمي القلب وايضا قصه اخرى متزوجه وعندها اربع اطفال اعجبت بزوج صديقتها وكل ماتستشيرها تعطيها حل عكسي الين ماخربتها بينهم وروحي ياصديقةالسوء اتوصلي مع الرجال ومسجاات ومكلمات وتطلقت من زوجها وتزوجت زوج صديقتها وسافرفيها شهرعسل لاماليزيا وقبل شهرين سئلت صديقتي عنهم تقول ماتطلقو لاني قلتلها قابليني لومضى سنه وماطلقها لان الرجال ملتزم وغلط فاتوقعت يصلح غلطه والان لهم ثلاث سنوات متزوجين وسفريات ودلع والزوجه الاولى تطلقت منه وكتبت فيه قصيده ـايضا وحده ثانيه زوجت بنتها زوج جارتهم البنت صغيره وتسير لهم كل صبح لمايجي موعدالغداء تبغى تروح الام صاحبةالتخطيط تقول لاتروحين انا احطلك من غدانا وظلت فتره على هالحال وتروح الام لرجال تقوله مرتك صغيره وماتعرف للبيت ولاتهتم فيك تعال ازوجك بنتي وتعرفون رجال زمان عادي عندهم وتزوجها والحين هذي عندها احفاد خاوت جارتها واخذت رجالها