الله يوفقك ياعسل ويسعدك
اول شي ملابس انتبهي وانتبهي وانتبهييييييييييييييييي تكثري والله الجسم يتغير بعد الزواج وتغير الهرمونات سمعت هالكلمه من الف وحده قبل زواجي وماصدقت قولت ايش ما تبغوني اقضي وانا جسمي مايتغير بس والله دحين عرفت معنى كلامهم بجد
انا اقصد ملابس الخروج والله شنطتين ملابس خرجتها ماانحطت ع جسمي وانا ليت يادوب سنه
كثثثثثثثثثثثري من قمصان النوم وشكلي طويل وقصير وكل شي والملاببس الداخليه برضو كثري منها اشياء دلع لبيتك كمان كثري وملابس الخرجات خودي شي بسيط
لتوحيد لون الجسم لو انك من جده مالك الا الحمام التركي في نواره وكريم فيتامين سي من عندهم صح سعرو غالي بس خيالي كنت احط منه والف الاماكن الي مره غامقه بنايلون مره قبل مانام ومره وانا رايحه للسوق وربي روعه
المنطقه الحساسه انا عانيت منها بس اللي نفع معايا كنت افركها بجليسرين وليمون وقبل مانام ( ديبروساليك والدكوين فورت ) والشورتات اذا خرجت وفي البيت بدون ملابس داخليه وبودرة الاطفال كل شوووي احط منها وكل مادخلت الحمام الله يكرمك
بالنسبه لصبغة الشعر احلى شي للعروس لون واحد ويكون هادي وناعم وبحاول انزلك صوره لصبغتي في فرحي ودا مو بس كلامي دا كلام كوافيرات استشرتهم خلي الصبغه القويه بعدين احلى بس العروسه حلاتها بطله هاديه
الغمرررره ياقلبي ع الغمره كان نفسي اسووويها بس جات ظروف وماقدرت بس اهم شي غيري عن اللي متعودين عليه انه الغمره لازم ساري هندي انا صحبتي عملت مغربي وحطت اغنية مغربيه شي خراااافي وبعدين انزفي بلبس قبيلتكم المعتاد بس اهم شي كمان لاتطلعي وجهك خليكي ملثمه او متبرقعه
وزفة الفرح في افكار كثيره لو حابه اساعدك راسليني وابشششري اقولك ع زفتي وزفات صحباتي
والعطر في عطر في باريس غاليري واااااااااااااااااااو خرافي وربي وغريب ومافي منه الا في باريس غاليري اسمه very holewood اعتقد هيك اسمه منجد يجنن اخدتو لفرحي غيرت عن العطور المعتاده
وياربي اكون افدتك بشي لاني حاسه فيكي
يبنات ابي مساعدتكم مرا محتاسه ومضايقه
متابعة النقاش، صفحة 2