السلام عليكم ورحمة الله وبركاته
كيفكم يانفوسات وكيف نوانيكم
انا هذي ولادتي الاولى والصراحة عرفت أكثر ليه الرسول عليه الصلاة والسلام وصى بالأم وقدم منزلتها عن الأب
الله يكتب لنا الأجر ويعيننا على بر أمهاتنا
اللهم امييييييين
عندي اسألة كثييير ياحلوات اتمنى قلوبكم توسع لي
الخياااطة وما ادراك مالخياطة
ماني عارفة ابدا كيف اتعامل معاها خصوصا ان امي الله يعطيها الصحة والعافية ماجربتها
المستشفى صرفولي طشت وملح البحر الميت وكاتبين لي استخدم التنقيع في هذا الملح 3 مرات في اليوم بماء دافي
وصرفولي ميبو ومرهم معقم احطه في الفوطة بعد التنشيف
فقط
وحدة نصحتني استخدم المرة وانشف المنطقة واتبخر بعدها ببخور النفاس حتى تنشف الموية من جوه كمان وتنشف الجرح وقالت لي هذي احسن طريقة للخيوط
ابي اعرف ارائكم خصوصا المجربات واللي عندها شي زايد ياليت تفيدني
بالنسبة للأكل والمشروبات ماااعندي اي فكرة وش اللي يناسب النفاس ووش اللي مايناسبها
انا الان معتمده ع الأكل الصحي عموما لكن امس كان غداي سمك مشوي
قالت لي وحدة انه ابد ماينفع للنفاس وان السمك من المأكولات اللي ماتنفع النفاس وجلست تعدد لي اشياء ثانية كثير مثل الموز والملوخية والخيار وحتى العصيرات تقول ماتشربي غير تفاح وبرتقال وكله طازه وغير بارد
اللي عندها اضافات ياليت تفيدنا
وبالنسبة للربط ابي اعرف متى اربط بطني او البس مشد انا لي 3 ايام والدة
بنات اللي عندها اي خلفية عن اسالتي لاتبخل علي بالرد
والله يعطيكم الصحة والعافية ويعينكم على تربية اطفالكم ويجعلهم من البارين فيكم ويسهل اموركم
تجمع النفاسيات الله يقومنا بالسلامة
متابعة النقاش، صفحة 103