ساعدوني ساعدوني... يا بنات زوجي مو عاجبه شغلي

اممم سالتلك ميمتي الله يطول بعمرها ..
قالت يمكن هي محسسته انها افضل منه وناجحه ف عملها وف بيتها لانه مهما كان الرجل يحب تكون المراه ضعيفه وتحسسه برجولته وحاجتها له

وقالت ( الرجل اذا حسسته المراه انه احسن منه يدمرها )

انتهى كلام ميمتي :)

..

والمفروض يكون فيه ( صراحه ) بين الزوجين احس هالشي من الاعمده المهمه فى نجاح الحياه الزوجيه

..

سوري طولت عليك ..

هلا اختي

انا براي بشتري راحتي من راتبي كل شهر وفري من خمس ميه ريال الين الف .. واستمري حتى توفرين مبلغ خدامه باسمكم. طبعا يوم تجي خليها مع العيال في بيت امك. الين تردين انتي من الدوام وترتاحين وعقب وقت المغرب روحي هاتيهم او تعاملي مع احد تروحين تشلينهم من بيتك اهلك. بكذا اول ماترجعين البيت عيالك عند خدامه بكفالتكم وتحت اشراف امك. ولاردت البيت تمسح وتنضف وتجهز العشا او اي شي تبينه قبل يجي زوجك . وتكونين مركزه مع عيالك وزوجك . اكثري استغفار وقيام ليل لو قبل صلاه الفجر بساعه وادعي .صدقيني لاجتك خدامه بيكون فيك طاقه للعباده . استخيري قبل تقدمي على اي طلب علشان ربي يسر لك امورك.

شوفي بعض الرجال ما يقول كلمه زينه حتى لو كان مبسوط وراضي طريقة تربيتهم كذا واللي يقولون جيبي شغاله مدري هم في السعوديه والا براء بس بين قوسين عجبي انك طبيبه الله يوفقك سؤال شاطح في اي جامعه درستي وكم النسبه المطلوبه هالسنه اذا تعرفين لان بنت مقدمه على جامعة الملك فيصل في الدمام والاحساء 

عزيزتي الغلط منك انتي

لاحظت من خلال كلامك انك القائمه بجميع المسؤوليات !!

المعذره لكن وين دوره هو ؟؟


اذا حتى الشوز وانتي بكرامه تجهزيه له

كيف تبغينه يقدر جميع الجهود الجباره اللي جالسه تعمليها

معليش انتي عودتيه على كيذا ويحق له كمان يطلب المزيد ولا يعجبه اللي جالس يصير

هو ناقصه انتي بحيويتك ونشاطك وفرفشتك

هو مو ذنبه انك تعبانه كل النهار في العمل وفي البيت

هو محتاج تكوني متفرغه له وقت ماهو محتاجك

هو كمان يتعب دوامين

كلكم عندكم مسؤوليات كبيره ومتعبه

نصيحتي لك قسمي العمل بينكم ماهو كل شي عليك

والافراط في جعله سي السيد للاسف انقلب عليك بالسوء لانه ماقدر ولا ثمن جهودك

ممكن ان هذا من حبك له او من شعورك بالتقصير تجاهه

لكن انتي ماقصرتي وبالعكس محمله نفسك فوق طاقتها

ارجع واقولك يالغاليه ارتاحي ولنفسك عليك حق

مسؤوليه البيت مشاركه بينكم خليه يقوم ببعض الاشياء

الرسول صلى الله عليه وسلم كان يساعد اهل بيته

خصصي وقت لنفسك ولاولادك ولزوجك ولا تعاقبي نفسك بعقدة التقصير في تكليف نفسك مالا تطيق بشغل البيت

والله ييسر امورك ويوفقك

انا ما اقول الا الله يعينك ويقويك
واحتسبي الأجر عند الله
ونصيحتي لك لا تامني ع عيالك مع الشغاله مامنهم أمان
م بعد اللي شفناه منهم واخرتها الشغاله اللي نحرت البنت
وقطعت أصبعها وطلعت ف الجرائد والتلفزيون
ما عندك الا تودينهم عند اهلك او أهله
والله يكون ف عونكم