اهل زوجي يبون كل شيئ على كيفهم

السلام عليكم ورحمه الله وبركاته


مقهوووووره يابنت قهر الله لايوريكم وفيني حره من كثر القهر نحفت انا تقريبا صارلي اسبوعين من يوم ملكت وسويت حفلة خطوبتي اوكي انا الحين ابغاكم تفهموني هل انا وامي غلطانين ولا اهل زوجي؟

راح اقولكم كل شيئ من البدايه وانتو احكمو زوجي يقرب لي من بعيد من جهة امي وانخطبت من سنتين
والكل انبسط انه بيتزوجني وخصوصا اني وحيدة امي وكذا مهري 50 الف وشبكة ومضاعد 4 من عيار 21 بعض المناطق تسميها غوايش هههههه المهم هذا الاتفاق اهل زوجي امه وخواته عسل وطيبين لكن كلمه توديهم وكلمه تجيبهم من خالاتهم والناس الي حولهم يعني عادي احد يقلبهم مررا زوجي متربي في بيت جدته من يومه صغير يعني مو عايش مع امه وخواته راح انتقل لبيت ابوه وعمره 18 سنه وجدته الحين صارت مشلوله وهو يحبها كثير الي كانو معاه في بيت جدته من يومه صغير خالته الشريره ووحده ثانيه من جماعتهم اسمها ام احمد(هذه مدري ليش عايشه عندهم بالبيت بس ملقوفه مره ومتدخله فيني وفي زوجي) يوم ملكت الكل زعل وعصب ليش مهري 50؟ وحرام المفروض اقل وشايفين انو المهر هذا مررررا كثير علي لان اخو زوجي دفع مهر لزوجته 10 الاف وعماته عصبو وليش الذهب حقي ثقيل وغالي ومدري ايش وقالوا انو حفلة الخطوبه لازم اسويها بقاعه عشان الزواج تصير في المدينه حقتهم انا من اول مابي حفله بقاعه عشان ابغى اسوي حفلة زواجي بالمدينه حقتي (ههههههه هما كانو يبغون يخدعونا انو اسوي حفله خطوبه كبيييره عشان هما يقولوا خلاص سويتو الخطوبه عندكم العرس يصير عندنا) انا ركبت راسي وقلت لا في البيت وسويت لي كوشه ورحت صالون وجبت مصوره واشتريت دي جي الي احطو فيه فلاش والاغاني تشتغل ورا بعض وحطيت لي زفه يعني حفلتي كانت مرا حلوووه وعلى كيفي سويت الي ابغاه بس بالبيت مع ذلك صارت مشاكل وتتوقعون المشكله من مين؟
من ام احمد وخالته الشريره:11: بعطيكم فكره عنهم ام احمد تقول انها تحب زوجي عشان شافته صغير وكذا
وهي انسانه ماتحب الخير حق احد لدرجة انها مسويه لزوجها سحر وكانت تقول حق امي انها تعرف مشعوذه مغربيه وسودانيه يسون اسحار حسبي الله عليها الف مره المهم كانت تبي تتدخل بكل شيئ يخصني من زواج وذهب وكل شيئ لدرجة يابنات كانت تبي هي تشتري الذهب حق الشبكه والمضاعد الي هي الغوايش لكن انا خفت انو تسويلي عمل وتحطه بالذهب وامرض او اتفرق انا وزوجي وامي صارلها فتره تتحلم اني البس ذهب وعليه صراصير وقلت لزوجي حبيبي تكفى لمن تشتري الذهب خله عندك لاتعطيه احد ماتدري لان امي تحلمت كذا انتبه وانتبه والحمدالله الذهب صار معاه واقتنع بالرغم زوجي برضو من النوعيه الي يسمع لهم كثير لكن حاولت اتجنب شرهم بذكائي معاه لانهم ناس اعوذو بالله وقالت لزوجي عطني فلوس انا اشتري الذهب قلت له انا ابي ذهب معين وشكل معين ولو هي اشترته ماراح البسه صدقني لان للان حلم امي في راسي قالي خلاص نروح انا وانتي ورحنا مع بعض وشريت الذهب وحطو عنده الحمدالله عدينا وكانت تلح عليه انو يخلي عندها وانو يجيبه عشان تشوفه وهدايا الملكه يخليها عندها لكن كنت وراه واحذره كثير وكنت ادعي ربي انو يبعدها عني حسبي الله عليها هي وبنتها .


نجي الحين عن المشكله الي صارت بيوم الحفله وقت زفتي اخته وبنت ام احمد صوروني فيديو وصورني لقطات:confused: انا وقت الزفه ككنت امشي وانا خايفه وحسيت خلاص راح انتهي ذولي ناس ماعندهم لاذمه ولا امانه نهائيا خفت صوري يسون لي فيها سحر او ينشرونها او اي شيئ ثاني المهم جلست على الكوشه انا وزوجي
ناديت خالتي قلت لها قولي لهم يمسحون الصور ويوقفون تصوير وقلت حق زوجي قول حق بنت ام احمد تمسح الصور قالي بقولهم وبنت ام احمد تغار مني لدرجه محد يتصورها انا اكبر منها بسنه المهم انها تبي ترسل صوري لبنات قريباتها بدوله ثانيه حسبي الله ونعم الوكيل وخالاتي ماقصرو عصبو عليهم وقالوا مسحو الصور

نجي للمشكله الثانيه اثناء تلبيس الذهب وانا على الكوشه ابو زوجي واخوه المتزوج وواحد ثاني يبغون يدخلون يتفرجون على ولدهم وهو يلبسني واجلس كذا قدام اخوانه؟ زوجي مو راضي بس ابو زوجي معصب يبغى يدخل عياله عشان يشوفوني سلامات؟؟؟ وابوه زعل وعصب بعدين رحنا غرفتي عشان نكمل تصوير المهم انا قلت حق امي تنادي ابوي عشان اصور معه وصورنا انا وابوي وزوجي وامي ههههههه للذكرى خلصنا تصوير زوجي قالي يلا البسي عباتك عشان تطلعين تسلمين على ابوي قلت له اوكي ولبست عبايتي وانتظر عند الباب راح له زوجي وقاله زوجتي تبي تسلم عليك ابووه قاله بصوت عالي انقلع وطرد زوجي من البيت كل هذا عشان مادخل وقت تلبيس الذهب قلت بقلبي مع نفسك حتى لو انك ابو زوجي تبي تكشفني على عيالك طير بس عيب ماعندنا هالحركات لان زوجه اخو زوجي رقصت قدامي انا وزوجي وحنا بالكوشه:icon30: غباااااااء صح قهرتني بس طنشتها
وهذه لها قصه ثانيه كانت تحب زوجي قبل اخوه ويوم درت انه يبغى يتزوجني قالت له ان شاءلله تخونك زي ماخنتني :11:غبيييييه بالرغم زوجي ماحبها هي كانت تتلصق فيه وازيدكم من الشعر بيت زوجها كان خاطبني قبل زوجي ههههههههههههه خطبني قبله بشهرين ورفضته سبحان الله ولاواحد فيهم علم الثاني انهم كانو يبغاني الا بالصدفه:35:

نجي للمشكله الثالثه وهي الزواج بعد ماخلصنا الحفله ام احمد تقول حق زوجي انو الكوشه والطاولات والتوزيعات علينا حنا يا اهل البنت؟ سلامات ترى مهري 50 مو 100 والله ابوي طلب 100 بس امي رفضت يعني ايش يكفي وايش ولعلمكم الخاص انا سويت حفلة خطوبتي من مهري كلها كلفتني 15 من فستان وعشاء وصرف واشياء كثير والله السوق غالي حنا عاداتنا انو البنت بس تسوي الكوشه والمصوره تجيبها والباقي على اهل العريس مالنا دخل بالزواج وام احمد قالت حق زوجي لاتسوي طاولات ولا شيئ خلها كذا فاضيه بدون تزييين<<<وشدخل اهلك حسبي الله عليك جا زوجي المصون ينكت يقولي الطاولات عليكم قلت لالالا خوالي 5 تزوجو حنا قمنا بكل شيئ واعمامي والله ان اعمامي وخوالي حتى الكوشه والمصوره جبناها العروسه جات بس بفستانها واحسن تقديم واحسن زواج بعد وكمان المطربه الي هي الطقاقه قالوا النص بالنص قالت امي مو مشكله توزيعات والطقاقه ندفع نص والكوشه والمصوره راح المهر وش بقى منه بالله وانا عندي جلسات ليزر وفستان ومكياج وحناء وخرابيط؟ انقهررررت منهم ولا ابوه يوم ملكتي يقول حق ابوي العشاء حق الزواج النص بالنص رد ابوي قال العشاء على اهل الولد



نجي للمشكله الرابعه وهي موعد الزواج انا وهو حددناه امي مالها دخل والله راح زوجي قال حق امه وامه قالت لخالته الشريره خالته الشريره قامت تقول انو حنا عايله كلاب ومحد ياخذ مننا لان ولد خالة زوجي متزوج خالتي وعايشين بدوله ثانيه ومقهورين من خالتي ولق لق لق وتسب فينا وتشتم حسبي الله عليها للعلم كانت تبي زوجي لبنت صديقتها استغفرالله بعد لها علاقه محرمه مع صديقتها انا كيف عرفت انه سبتنا؟
صحيت من النوم مرا الصباح ودقيت على زوجي ويقولي ان ام احمد دقت عليه وتهاوش على امي ان امي قالت حق ام احمد انو الكوشه يسويها زوجي وهي كذابه امي ماكلمتها حسبي الله عليه واعصب التلفون اقول حق زوجي اسسسسمع خالتك وام احمد ترى احترمتهم كثير لكن لااحد يغلط على امي معليششش انا محترمتهم عشانك .


المشكله الخامسه يوم سكرت من زوجي قلت حق امي وامي عصبت دقت على ام احمد قالت لها ليش تقولين اني قلت الكوشه على زوج بنتي؟ قالت والله ماقلت<<وهي كذابه ام وجهييييين حتى زوجي يحبها بس قال عنها تراها سوسه وقامت ام احمد تحشر امي عن خالة زوجي الشريره ههههههههههههه قالت انا ماغلطت عليك ترى الي غلط عليك (االشريره) وتقول عنك ان انتو عايله كلاب محد يتزوج منكم قالت امي هذا مايعيب فينا الحمدالله حنا معروفين والكل يتمنى ياخذ منا وبنتي تربيتها والنعم لكن ايذا حنا كلاب مهركم وذهبكم نعطيكم اياه بنتي عندي وولدكم عندكم لانبي مشاكلكم ولا عوار راس منكم ترى الحشمه زينا وكل ماحشم الانسان نفسه كل ما ارتفع لكن انتو انسان مايفيد فيكم الاحترام وسكرت السماعه امي جات امي قالت لي انا انقهرت واكلم زوجي واقوله وش قصة ام احمد وخالتك لو سمحت لاتخليني اكلم خالتك واقولها انها هي الكلبه ترى امي ما ارضى عليها امي تاج فوق راس خالتك وراس ام احمد ظفر رجلها مايوصلونه وزوجي واجه خالته وانكرت وهي كذابه اصلا بس خافت ان امي تواجهه اااااااااه ماخلوني افرح بحفلتي نهائياز


المشكله السادسه يبون العرس عرس سملق يعني اطفال وازعاج وانا اتفقت مع زوجي اسوي كل شيئ على كيفي طالما من الحين مشاكل وبس هو يدفع بختار كل شيئ على مزاجي وبسوي بطاقات ممنوع اصطحاب الاطفال منعا باتا لان والله يابنات اني سويت كوشتي بالبيت وكانت ورد طبيعي نتفوهاااا عيال ام احمد حسبي الله عليها قبل زفتي تخيلو يابنات وانا على الكوشه حتى المسكه حقتي ينتفون منها ورد عيني عينك:confused:
ماشفت قلة ادب زي كذا حتى عيالها زيها استغفرالله قهرووووووووني مرا وقلت لزوجي اطفااال مابي اتخيل امشي بزفتي بالعرس وعيالهم ينططون قدامي ويدسون عالطرحه يمكن اطقهم والله هههههههههههههههههههههههه عيالهم همج همج يراكضون وازعااااااااااااج وش ذا حضانه بيتنا يوم حفلتي
تخيلو يابنات هم يطلعون عن عيالهم يروحون السوق ويتزاورون لكن وقت زواج ولا حفله لازم يرزون عيالهم معهم ويزعلون طيب يالي ماتخافون من الله تطلعون السوق والدوام وتركونهم جات على حفله 3 ساعات ياالظالمين:sad:

زوجي ماعنده مشكله بيدفع اصلا انا وياه كنا متفقين على كل شيئ بس ام احمد وخالته يحبون يخربون كل شيئ ومدري شنو الحين زوجي نفسيته قالبه علي مررررا وحده جاني الخميس الي راح مسويتله عشا وش زينه ويضحك معي لكن كل شوي اقلقو امنا اتصال امه وابوه يلا تعال يلا قوم يلا امش ومدري شنو قسم قهرني احيانا اقول شخصيته ضعيفه واحيانا لا المهم رجع جاني يوم الجمعه عازمته برا كنت كان مكشر ومعصب ونفسيته بالارض ومو طايقني نهائيا ولاهو حولي ابدا قلت له شفيك قال مافيني شيئ قلت طيب وكل شوي امه وابوه يتصلون يلا تعال يلا مدري شنو انقهررررررت وهو يخاف ويقوم يبي يروح قلت له ترى انت مو جاي عند خويتك بالسر انا زوجتك على سنه الله ورسوله ليه تخاف لمن اهلك يدقون عليك رفع ضغطي لدرجه محد يتوقعها حسيت اني خويته بالحرام مو زوجته يخاف كذا تخيلو له 5 ايام الحين من يوم الجمعه وهو يكلمني بدون نفس حتى قبل لمن يسكر كان يقول احبك الحين نهائيا مايقول وعادي مررررررا صار يطول مايدق اول 24 ساعه مع بعض لو غبت ساعه يرجع يتصل الحين مره مكتم قلت بيني وبين نفسي مع نفسك وقررت اصفطه واسوي ثقيله شوي
ويوم سالته قال ضغوط وانا اعرفه تجيه ضغوط اكثر من كذا لكن مايطفش مني بالعكس يكون قربي اكثر الله يهديه يارب



الحين يابنات وش اسوي مع اهله للعلم زي ماقلت لكم خواته طيبين وامه شخصيتها ضعيفه وابوهم متحكم فيهم ويطقهم ويهاوشهم وياخذ فلوس مرته وبناته وقايل حق زوجي ماراح اجي اخطب معك الا لمن تعظيني 30 الف مع ذلك فيه طيبه شوي واحسه مايفهم عشان كذا يتصرف بهالطريقه احس جابولي اهله كلهم الصمرقع بالذات خالته وام احمد
قررت اجيب تفتيش بالزواج عشان الجوالات منعا للمشاكل وممنوع اصطحاب اطفال ولو فيه اطفال بأجر وحده اسمها عنتره توقف على المسرح تمنع اي طفل يركب واثناء زفتي تمسكهم وعشان مايخربون كوشتي بعد بس


ادري طولت عليكم لكن من زود القهر الي فيني والتعب لانوم ولا اكل حتى نحفت والله انتو خواتي ومالي غيركم واسسسفه على الاطاله ههههههههه

53 تعليق 15,128 مشاهدة

شاركي في النقاش

سجلي الدخول لإضافة تعليق.

التعليقات

50
  1. انتي اللي كثرتي مشاكل فاتح اذنك لكل من هب ودب فلانة قالت وعلانة قالت وش دخلك فيهم انتي شكلك تحبين اللت والعجن خلاص زوجك وامه وخواته كويسين وش عليك من الباقي اللي تتكلم تتكلم لاتردين ولاتقولين ولاتدقين تسألين
    ثاني شي بخصوص العرس المعروف ان العرس على اهل الولد وهم مسؤلين عن كل شي وش دخلك في اطفال مافي هم السؤلين عن كل شي مالك حق تحددين ضيوفهم اوكي خلي وحدة عالمسرح عشان كوشتك لكن مالك دخل بالباقي دافعين وانتي تتشرطين خلاص تبين كل شي بكيفك ادفعي انتي
    وماالومه مكشر غثيتوه كل كلام الحريم عنده وليش تدقين فلانة قالت وفلانة ماله دخل هو طلعيه من سوالف الحريم
  2. صاحبة الموضوع
    دانية الرياض اعصابك ليش داخله تهاجمين؟ ايذا كنتي مو متزوجه الله يرزقك باهل زي اهل زوجي واشوف وقتها كيف تتصرفين
    ثانيا بخصوص مالي دخل بشيئ حبيبتي انا الطاولات بدفع نصها وبسوي كوشتي وبسوي توزيعات ليش ما اتحكم؟
    يعني بس اجي زي الغبيه واروح زي الغبيه؟ لا ياحبيبتي لي حق بكل شيئ ولازم انبسط وافرح بعرسي وزوجي واهله كويسين وانا وضحت بكلامي فوق مين السبب خالته وام احمد هم الي يسون مشاكل هذا اولا ومن حقي ادافع عن امي ومن حقي اواجه اي انسان يغلط في امي حتى لو كانو اهل زوجي الي مافيها خير باهلها مافيها خير لابزوجها ولا عيالها وهذا ابسط حق
    ثاني نقطه هو الي يتصل ويقولي عنهم ويقولي فلانه قالت وعلانه قالت انا ماكنت ادري هو يقولي ويخليني اعصب لمن احد يادانيه يتكلم على امك بتسكتين؟ معليش
  3. @myamy_9

    فتاه مختلفة الي هذا اوله ينعاف تاليه
    وبعدين الاحظ ان فيه اختلاط فاتوقعي اي شي يصير من سوالف الحريم
    مااقول اللا الله يكفيك شرهم

تابعي تجارب أخرى من هذا القسم.