اجهضت حملي بسبب معلومه بسيطه

الله يعوضك خير ويجعله شفيعك يوم الدين

الحمدلله على سلامتك يالغلا
وباذن الله تعالى الجاي هو الحمل اللي فيه خير لك وسعاده لك باذن الله تعالى


ايه اللي معك هو اختلاف الفصايل
زي امي واختي
امي اول بدايات زواجها سقطت خمس اطفال
وماكان بذاك الوقت يعرفون شيء اسمه اختلاف الفصايل
جابت امي اختي الكبيره اللي تعتبر الحمل السادس كانت بين الحياة والموت والطب الشعبي كان موجود بهذاك الوقت وكووها وهي توها بالنفاس صغيره ولله الحمد عاشت اختي الله يزيد ويطول بعمرها
لكن اختي اخذت فصيلة امي
امي فصيلتها -AB
وابوي +A
اختي اخذت فصيلة امي -AB
تزوجت واحد نفس فصيلة ابوي +A
اول شهر زواجها حملت لكن نزل عليها دم باول شهر جلس الدم ينزل عليها الين الشهر الثاني وسقطته لانه جاها طلق فجئه والمستشفى قال لازم تنظيف وبعد مانظفوها عطوها ابرة الفصيله مباشره
بعد 7 شهور قررت تحمل وحملت وجابت بكرها ولدها ولدته بمستشفى خاص وهم عرفوا من الاوراق انها لازم تاخذ الابره وعطوها بعد الولادة مباشره
بعد ماكمل ولدها ثلاث سنين حملت باخته وجابت اخته ودخل الاربع سنين يعني بالنفاس عمر بكرها 4
وعطوها ابره بعد الولادة مباشره وبعدها جابت الثالث بعد سنتين وعطوها ابره

امي بعد اختي الكبيره راحت لمستشفى وقالوا لازم تاخذين ابره الفصيله وصارت تاخذها امي وجابتني ولله الحمد بدون مشاكل
وصارت تاخذها بعد كل ولادة والحمدلله جابت امي بنات واولاد

لكن معلومة انه يبطل مفعولها بعد ثلاث سنين لااااا اختي الكبيره بعد ثلاث سنين يوم مشى بالرابع حملت وجابت اخته ودخل الرابع

وامي والله يتفاوت سنين بيننا خاصه باخر خواتي واخواني صار بينهم تقريبا ثلاث او اربع او خمس سنين تمغط امي بين كل حمل وحمل


خالتي لها قريبه مو شابه لا يعني موقفه عن الخلفه خلاص عندها اختلاف الفصايل هي وزوجها ومادرت الا بعد ماكلروا وتزوجوا عيالها
جابت ماشاءالله تبارك الله حاريم ورجال ولا سقطت ابد ماشاءالله
راحت للمستشفى حللها الدكتور كانت تعبانه مدري سكر ضغط بس تعب ماله دخل بالحمل
قالها الدكتور انتي كنت تاخذين بعيالك ابرة الفصيله قالت لا ماخذ شيء قال كيف مستحييييييل يكمل حملك وانتي وزوجك عندكم اختلاف الفصايل انتي سالبه وزوجك موجب قالت وشو اللي مستحيل تبين اصفلك عيالي وبناتي وعيالينهم
انهبل الدكتور وعجز يصدق انها ماسقطت ابد حمل وانها جايبه ماشاءالله رجال وحاريم ومتزوجين بعد
عااااد الله سبخانه وتعالى اعلم

الله اعوضك حبيبتي و يرزقك توم ان شاء الله تامين الخلق سليمين يا رب عاجلا غير اجل يا رب

اسعدني مروركم جميعا والله يتقبل دعاويكم وينولكم امانيكم
اختي بائعة المسك حياك وبيض الله وجهك على اسطرك المفيده
زي ماقلت كل اللي جمعته معلومات مالها مصدر طبي مجرد قرأه
وتجارب اللي حولي وحابه افيدك انه اذا جا الطفل نفس فصيلة امه
هنا ماتحتاج الام للأبره والله اعلم ... وجدتي الله يطول بعمرها فصيلتها
O- وجدي الله يرحمه موجب وسبحان الله خلفت عشره وعمرها ماسقطت وكل حملها
سليم والحين استغربنا من حالتها لان بنات خالاتي سار لهم نفس حالتي فسبحان الله
ربي يلطف بعباده يمكن بأكلهم كان في شي له نفس مفعول الاجسام المضاده اما احنا
الله يخلف على اكلنا والحمد لله .. اليوم موعدي عند الدكتوره لكن اجلته للسبت عندي شوية
ضروف بإذن الله لما اراجع راح اسأل عن مدة مفعول الابره لانها معلومه من صديقه ليا نفس حالتي
:::
نورتوا متصفحي المتواضع واتمنى اي وحده عندها حكايه او حاله تجي وتفيدنا