زوجي الزعووووول

أرجوووكم مشكلتي الأزليه مع زوجي اللي موه عارفه أحلها من عشر سنوااات تعبت وربي ما عاد اقدر أستحمل وخايفه من الضيقه والقهر أهدم حياتي معه
زوجي ولو تحدث بيننا مشكله تاااافهه بكل معنى الكلمه يسكت وما يتكلم وأنا من شدة تفاهة الموقف أكون ما منتبهه انه صار شي يستلزم الزعل وأتفاجأ فيه زعلان وساكت ولما اكلمه يرد علي من طرف خشمه أستغرب وأسأله علامك يا بو فلان؟ يقول ولا شي، ولما أقول ارجوك تخبرني ايش صار ؟!! يقول انتي تعرفي، ولما احلف اني ما عارفه يقعد يصارخ علي قدام العيال وتكبر المشكله
ويقعد بنافخ بوجهي وانا ما فاهمه السبب ولما تطلع روحي معه يخبرني بالسبب التاااافه واستغرب هل هالسبب يتوجب منك تخاصمني؟!!! كان نبهتني انه مضايقك هالشي وراح اعتذر وخلاص ما فيه داعي الزعل 
تعرفوا آخر مره شو كان السبب ، اني قلت للأولاد ليش ما مشغلين مكيف لان الجو خنقه؟ قال هو شو هالسؤال؟ وبس سلامتكم هذا السبب العظيم!!!!!
تصدقون
والحين بعد ما هو ظل ساكت انا سكتت كمان والى يومكم هذا من 3 أيام وهو مزاعلني ولا يكلمني واعرف طبعه لو اطنشه واسكت عنه لو شهر ما يتكلم يظل ع طبعه وما يكلمني الى أن أنا تطق كبدي واروح أكلمه
مع ان فيه كل الصفات الحسنه ولله الحمد ويحبني بس هالطبع الشين وزعله المستمر وسكوته وانه عاااادي عنده ما يكلمني الى ان اروح واعتذر ومرات ع أشياء انا ما اعرفها كل هذا مخلي حياااتي تعب وضيق معه
وأحيانا أهلي واهله يلاحظوا وع بالهم اننا ما متفاهمين ما يعرفون انه زعووووول ويسكت بالأسابيع ولا بكلمني ع تفاهااات
تعبت أوجوووكم ايش الحل مع هالزعووول؟!!!!