تجربتي مع نظام جديد و نحفت فوق 3 كيلو باسبوع ..
السلام عليكم ..
طبعا الكتاب واضح من عنوانه ..
بس بقولكم مقدمه قبل كل شي طبعا انا تعبت من وزني و فيه كثير غيري تعبو من اوزانهم
تعبت من تعليقات تجرحني بس امثل انها تضحكني تعبت اقنزع بملابس حقت كبار و حجمها كبير
عشان وزني و لله الحمد اصريت بفضل من ربي ثم عزيمه مني ..
عندي لكم 7 شغلات منها انا خسرت الوزن و بطريقة ملحوظه .
1 - ممكن تكون الفكره غريبه او عبيطه بنظر البعض بس والله ي بنات انها تحفز بطريقة ما تتصورونها
اكتبي بورقه ليش انتي تبين تضعفين و ايش حفزك و اش امنيتك لما تضعفين و حطيها عند مكان نظرك يطيح عليه كل يوم مثلا ثلاجه دولاب او ما الى ذلك ..
2 _ أحسبو وزنكم بالبآآوند يا بنات والله العظيم انها تساعد ؟ السبب ..
لآن البآوند شي واو بالنسبه للكيلو يعني لو مثلا وزنك 67 بالباوند 150 و لما انتي تشوفين ذا الرقم تنصرعين
ثاني سبب لآن من الممكن جدا انك تخسرين باوند باليوم ف لما تشوفين انك خسرتي باوند بتكملين اللي بديتي
3 - لآزم تصورين نفسك صوره قبل لآ تضعفين بالوجهات الثلاثه لك و بعد 10 ايام روحي صوري بنفس اللبس و بتتحمسين لآن أنتي ضعفتي وزن و لبسك تغير عليك
4- مو لآزم تسوين رجيم و هذي الكلمة انا من جد اعنيها لآنو لما تسوين رجيم بتزهقين و بتتعبين و بتطفشين من نظام معين يعني انا عني ما كنت مسويه نظام معين و اصلا لما تبدين بنظام و تضعفين بترجعين تاكلين نفس الاكل القديم و تمتين و كأنك يا بو زيد ما غزيت ..
5 _ الرياضه يا بنات مهممممممه ما تتصورون قد ايش مهمه لدرجه ان اول ما بديت قلت انو باكل بس بجرب الرياضه و كنت اخسر وزن مو بالكيلو بالغرام بس انو كان غريب اكل و اخسر ؟؟. للي حابه تعرف الرياضه فهي المشي كنت امشي بجهاز السير لمده 20 دقيقة و اسوي رياضات حره
6- الماي يا بنات يشبع و ما فيه اي سعره حراريه و يسهل عملية الهضم للي تقول بصير اشرب مشروب طبيعي بقولكم معلومه ممكن شوي غريبه انو ب علبة المشروب الطبيعي الواحد يعني مثلا عصير برتقال العلبة الوحده فيها 7 او 8 برتقالات معصوره يعني سكريات و طبعا محد يبي سكريات و طبعا من ماركة لماركة يختلف اللي 7 برتقالات اللي 12 و و و ف الموي المشروب الجميل الونيس ..
7 _ خليتهاا اخر شي لانها اغرب شي "اول ما تبدين رجيم و تبين تضعفين " كلي كثير ..
طبعا بتقولين سلامات بس والله جد كل ما اكلتي بتضعفين .. السبب لآن المعده تكون كبيره لما تاكلين حتى و انتي شبعانه ف بعدين تتعب و تتقلص من نفسها و انا سمعت هالمعلومه من دكتور لآن فيه ماده بالجسم ناسيه اسمها تهضم لما تاكلين كثير انا والله جربتها اول 3 ايام و بعدين تعبت انو ما صرت احب اكل و ينسد نفسي تلقائي
طبعا مع رياضه و موي
و بس ي جميلات ..
نصائح طفيفه
- سوي الرياضه بعدي ساعتين من الاكل - قيسي وزنك بعد ما تدخلين الحمام ليكون وزنك حقيقي - اي نوع من الفاكه و الخضروات يحمل سعرات قليله و مشبعه - الزبادي القليل الدسم مشبع و يهضم - كوب نعناع بدون اضافات لو تشربين 3 باليوم تنحفين - كوب قرفة بدون اضافات مفيد بس الاكثار منه يسبب فشل بالكلى يعني لو كوب بالاسبوعين جميل -
انا والله يا بنات اول مره اكتب موضوع بهالحماس و ان هالموضوع مو بأي مكان انا بس حبيت افيدكم
و اتمنى الدعوات لي ان ربي يسهل لي كل ضائقه ..
و صدقوني برمضان بيخسركم اكثر لان فتره انك ما تاكلين تضعف و بس ..