تجربتي ويومياتي مع عملية البالون

السلام عليكم بنات .... 
موضوعي باين من عنوانه .... 

اليوم السبت 6 جولاي  2013 .... قررت اليوم انه يكون يوم فاصل بيني وبين السمنة وقررت أن اليوم بتكون بداية جديدة ... ادري أنها بتكون متعبة ومزعجة لكنها أساسية ... 

انا طول عمري وزني في الستينات ان نحفت وصلت 60 وان سمنت مرة طقيت 68 بس من سنتين تقريبا لظروف معينة بووووووم للسبعينات وشوي شوي بديت ألاحظ اني اتزايد لين وصلت 77.8 هنا خلاص طفح الكيل وقررت اتخذ إجراء جدي .... طبعا كل هالسنتين تخللها محاولات مكررة فاشلة لفقد الوزن سرعان ما ارجع بعدها لنقطة الصفر ..... كلمت دكتورة صاحبتي استشرتها بعملية البالون شجعتني خصوصا اني فاهمة ومستوعبة أنها (العملية) بتساعدني بس لازم ابذل مجهود معها وبعدها ....
استخرت الله وسويتها يوم السبت 6 جولاي 2013 
 عند د. حكيم ... في لندن( انا عايشة بلندن)  العملية كلفت 4000 باوند ...

وصلت المستشفى 9 ونص الصبح خلصت الإجراءات سريع سريع وقاسوا وزني وطولي

165 سم ووزني 76،8 


دخلت غرفةًالعمليات اعطىني ابرة في وريدي وبعدها مدري الا انا بالغرفه تقول لي الممرضة أني خلصت ... يعني حرفيا ما حسيت بأي شئ أبد أبد

لما قمت لا الم ولا حاجة 
بس فيه احساس غريب كأني متضايقة ومنغثة شوي بس ... عطوني أدوية مضادة للغثيان والترجيع 
انتظرتهم  يخلصون أوراق الخروج عشان اطلع وطلعت عادي كنت بلحالي خذيت تاكسي ورجعت الوضع مرة عادي ما يخوف يا بنات ....
 
رجعت البيت نمت كل شوي أقوم الإحساس بالغثيان مب طبيعي حتى موية ما اقدر ابلع أكثر من  غطاء قارورة الماء .... مرة متضايقة الم في البطن كبير وحرقان في المريء 
 الساعية 3 الفجر قمت منالالم والغثيان 
الي الأن استفرغت مرتين بعد كل مرةًارتاح واقدر أنام ... تعب يا بنات اول يوم حالتي مزرية ....مزرية !!!