مشكلتي عدم الزواج وكلام الناس .معدل/ قديم

طقيها بوجهها اذا مصختها قولي والله انتي الي اخذتيه مني ولا كنتي الحين مكاني معنسة مااحد اخذك واذا زعلت قوليلها امزح وحده بوحده

بالنسبة للوظيفة ان شاء الله تتوظفين


ادعي ربك خاصة بالعشر الاواخر من رمضان

كأنك تتكلمي بلساني والحمد لله من قبل ومن بعد
ربنا يرزقنا جميعا الأزواج الصالحين

اسأل الله العظيم رب العرش العظيم ان يرزقك انتي والأخت حنين رزقاً لم تحسبوا له حساب وان تبشرونا بملكتكم قريباً

الله يرزقكم جميعا

شيلو فكرة الزواج من روسكم وتتزوجون

كثرة التفكير في الشي يبعده

والله يا اختي انا مثلك لكن اهون اني متوظفة ومحوشة فلوس
بس ايش انا تمرمطت
توظفت براتب 1500 مو فقر لكن ابي استقل وصبرت على الوظيفة وغثاها وبعدها
توظفت فصل دراسي كامل انا جامعية وموظفيني بشهادة الثانوي لكن تحملت لأن
مااحب ابدا شي واتركه من النص

جتني عقدة منهم كرهوني بكل شي هالي توظفت معهم من كثر ماضغطوني وصبرت
جلست كم سنة بالبيت وفي يوم كان فيه تقديم للتدريس تبع الوزارة
وقدمت بس كذا لأن كل الوظايف برا الرياض وانا مستحيل اطلع من الرياض
لكن قلت بنفسي وش يضر الواحد مايدري وش يصير بكره
تفاجأت اننا الي ماانقبلنا صاروا ياخذونا بديل وتوظفت ترم
ثم بعدها توظفت وظيفة زينة ومحترمة بشركة وجلست ثلاث سنين
ثم بعدها طلعت قطاع حكومي ولله الحمد ترسمت
بس كل الوظايف كنت اتعب فيها تعب
وظيفتي الاولى كنت اروح لها بسيارة سوداني حر لا مكيف والمشوار ساعة الا ربع

الحين مااقول غير " صبر جميل والله المستعان على ماتصفون "
وكلما قمت الليل اقول حسبي الله على من تكلم او تشمت فيني
واصبر واتصبر والله كريم

اخواتك خليك قوية معهم مااقصد بالصراخ لكن بالعبارات قولي ماني ناقصة يد ولا رجل
قولي هذا رزق متى ماربي كتبه يجي
قولي خافوا الله عندكم بنات