وش احسن مكان اقدر القى فيه وسط اجتماعي مريح
السلام عليكم ورحمة الله
بنات انا منفصلة قبل الدخول
ومن بعد تخرجي من الكلية تفرقنا انا وزميلاتي
اللي تزوجت والل سافرت برا
طبعاً ما انقطعنا ولكن ماعاد نشوف بعض
وقلت المكالمات بينا
انا اشتغل الحين
بس الوسط اللي اشتغل فيه كله حريم كباااااار بالعمر مرررررة
مافي اي توافق فكري او عمري بيني وبينهم
فكرت اشترك في معهد او في نادي
عشان بس اكون صداقات اسال عنهم ويسالون عني ونجتمع
خصوصاً اننا من النوع اللي رسميين مع اقاربنا
وكل بنات اقاربنا نفس الشيء اللي تزوجوا واللي سافروا
وبشكل عام ما احبذ صداقات الاقارب
يعنيي ببساطة مالي الا هالحل عشان اكون صداقات
عاد ابيكم تشورون علي وش احسن مكان ممكن اكون فيه صداقات محترمة وراقية
لا تعطوني اشياء عامة , حددوا لي اسامي
يعني لاحد يقول اشتركي بمعهد او ادخلي نادي
ابي تعطوني اسم معهد معين او نادي معين ونيس وفيه ناس تشرح القلب
مثلاً بعطيكم مثال
مركز الامير سلمان الاجتماعي اغلب روادة من الحريم الكبار بالسن لذلك ماراح القى ناس اندمج معهم
وهكذا
ابيكم تحددون ايجابيات وسلبيات المكان اللي ترشحونه لي وتقيمون مدى مناسبته
وطبعاً انا بالرياض
وبليززززز لا حد يقلل من اهمية الموضوع
انا هالموضوع متعبني مررررة لاني انسانة اجتماعية
وماعندي صداقات ابد من عقب تخرجي
وتقبل الله صيامكم وقيامكم