يـا عروستنا إفرحَي ليلـَة زواجك قربت ~ تجمع عرايس 1434

15 يوليو 2013

وحشتوووووني حيلات

بصراحه انا عكس الناس من جا شهر رمضان وبدت عنايتي بجسمي ��

كل يومين اسوي سنفرة كاب احط لكل جسمي اخليها تقريبا خمس دقائق وغسلها مع وجهي طبعاً

وبعد صلاة الفجر استخدمت خلطه كانت تمدحها لي بنت خالي وربي بينت علي ترطيب ونعومه واليوم امي تقولي بشرتك احسن من اول واما ايديني وربي صارت شي خيااااااال حتئ اليوم بعد صلاة التراويح حاطيت مناكير احمر غامق طلع منظرها عجيب ��
الي بتستخدم الخلط بقولكم مقاديرها وانا بس بستخدمها اسبوع وخلاص بتركها [ كيلي+ منيرفا+ملعقتين فازلين+اربع ملاعق جلسويد+ملعقه فكس+ وانا اضفت من عندي فيراند لفي بالفتامين]
وسويت حمام سونا ��
احس نفسي حيل خفيفه خخخخخ جاني نشاط مو طبيعي
اي ولي اسبوعين استخدم حبوب كبد الحوت
وكل مااصحئ من النوم اغسل وجهي بصابونة الباباي وعقب امسح بقطنه ماي ورد ع وجهي
وكثير امدحو عصير سيزر جزر وبرتقال يعطي نظاره ولي كم يوم استخدمه مع اني مااحبه بس اغصب عمري عليها ليما اتعود
ونصصصصيحه كثرو شرب الماي خصوصا الحين لان حيل نفقد من الصيام ربي يعينا ويتقبل طاعتنا
ورطبو الجسم قد ماتقدرون انا كل ماادش غرفتي احط من الفازلين الوردي ايدي ورجولي
بنات سوو الي قلتلكم بس اسبوع وتشوفون الفرق اقل من اسبوع وتغير كل شي فيكم
واليوم ان شاء الله بعد صلاة التراويح بروح العطار
ناقصني كم غرض اليوم اذا رحت بكملهم
وبسوي خلطة مزيونه وشقرا الصابونيه يمدحونها حييييل وبعتمد فيها لحد زواجي
وبس
اي صح تذكرت قبل العيد بيومين بسوي تشقير لكل جسمي عقب راح احفه لان وحده حيل تمدح طريقتها وبنسخ لكم طريقتها
بالنسبة لمناطق الجسم الي فيها شعر خفيف وبري ( الصدر - الوجه-الظهر - البطن - الموخرة - الكتوف )
نصيييييحة مني لكم لا تشيلوه ابدن لاني جربت في شبكتي شلتها ونفر جسمي حبوب
افضل حل التشقر وطريقتو الصح عشان لايصير الشعر اصفر ومقزز
روحي الصيدلية
اشتري علبة اكسجين ويلا 9% تجي قارورة كبيرة
واشتري علبة بوردة بلوندر الزرقا تجي برضو قارورة كبيرة

الطريقة
2 فنجان شاي اكسجين
1 فنجان شاي بودرة بلوندر
1 بيضة او نص علبة لبن زبادي

لازم يكون مقدار الاكسجين دبل البودرة يعني اخذتي ملعقة بودرة تحطي ملعقتين اكسجين وهكذا

والحكمة من البيض او الزبادي انه يخفف الحرارة في الجسم اوكيشن ياحلوين

وتدهني جسمك فيه لمدة 15 دقيقة فقط واغسلية اكثر من هيك ماليش شغل لو صفر

انا حطيت كل جسمي حتى وجهي بس انتبي التنفس لمن حطيتو حسيت مو قادرة اتنفس من خشيمي وقعدت اتنفس من فمي ههههههه

وربي فضيييييييييييع فتح جسمي بشكل فضييع وصار منور والله نفس مفعول الحلاوة
وافضل كمان تحسي بشرتكي فااتحة مرااا وحتى ظهري كان اغمق من بطني وصدري والله العظيم صار لون واحد وموحد ماشاء الله

قسم بالله العظيم الذي لا اله الا هو ان ركبي فتحت بشكل وربي وااااااااااااااو
بنات كانت ركبتي مفتحة من الخلطات بس حطيت خلطة كريمات رتن اي والدوكين فور سودت ركبي ويئست منها وربي على اخر اسبوع على زواجي انقهرررت

بس بعد التشقير فتحت الركبة من تحت وصار لونها وربي نفس لون ساقي بس مكان السجود المفحم صار لونها بني فاتح مرااا مراااا ومقارب للون الجلد
حتى اختي وامي لاحظوو وقامت اختي جررري لطخت ركبها من الباقي في الزبدية

هذي اخذتها من وحدة كوفيرا مغربية الله يسعدها ويباركلها
وحتى قالتلي ينفع اسويها اول مايطلع الشعر بعد الحلاوة يكون صغير وماينشال
ويخرب عليا فشهر العسل اشقرو عشان مايبان وفنفس الوقت يفتح

^^

هذي طريقتها بسويها ان شاء الله قبل العيد

وبسسس اتمنى اني افدتكم ❤❤

ودعواتكم ..

يـا عروستنا إفرحَي ليلـَة زواجك قربت ~ تجمع عرايس 1434

التعليقات

بكامل حشمتي و الدلال طاغي الله يحفظك يا الغالي

روتين ليوم زواجك يا أجمل عروس 👰🏻

الفزعه يا بنات حواء 🤦🏻‍♀️💛

رجاء يا مشرفات لا تنقلون الموضوع إلا بعد أن يتم الرد لأني طفشت😭

يـا عروستنا إفرحَي ليلـَة زواجك قربت ~ تجمع عرايس 1434 / السبب بالداخل