عطوني طريقة القيمات بس لشخص واحد كلما سويتها ماتظبط وتطلع مايته واشكال. تعبت من كثر ماسويها وماتضبط وتره ماعندي عجانة
الي تعطيني الطريقه بدعيله الله يوفقها ويحقق امنيتها ويسر امرها وين ماتروح
شاركي في النقاش
سجلي الدخول لإضافة تعليق.
التعليقات
14- رفع
حنوما رفع
حبيبتي أحلى طريقة جربتها هي طريقة منال العالم اللي بالكسترد
جربتها لذييييذة..بس هي لها طريقة تحطها بكيس وتلقمها بالزيت
أنا ما اعرف إلا بيدي..- اختي اللقيمات سهله وفيه الكراتين الجاهزه واذا تبين الدقيق العادي ايضا سهله
وهو عباره عن دقيق الكويت وملح وسكر بمقادير قليله وشوي حبه سودا وزعفران وزنجبيل مطحون قليل جدا وخميره فوريه ملعقه كبيره اذا بتحطين كاس دقيق واعجنيه بماء عادي وخليها خفيفه احلا لاتكون ثقيله تصير خيوط اذا رفعتيها واضربيها بيدك علشان تدخلين الهوا فيها وخليها تتخمر هذي طريقه حلوه جدا ومافيها عجين من جوا وطريقه التلقيم جربي طريقة منال العالم اللي بالكيس ممتازه جدا جدا جدا وانا اعتمدتها معاد اسوي بيدي وانظف - انا أوقات افطر لحالي
اسوي لقيمات احط 300 ملل مويا دافي
وملعقه نشا او كاسترد وخميره
ورشه ملح ورشة سكر وحبة السوداء
الدقيق ما اعرف مقدارها بالكوب
لان احطها بالملعقه واخلطها بمضرب البيض اليدوي
وارجع احط ملعقه دقيق واقلب لحد ما اوصل للقوام المناسب
والتشكيل بالملعقه ما اعرف بالكيس
وطبعا الملعقه اغطسها في زيت في فنجال قبل القمها - كاس دقيق
ملعقة نشا
ملعقة حليب بودرة
رشة سكر
رشة ملح
نص ملعقة خميرة
ربع ملعقة باكنج بودر
ربع كاس لبن أو ملعقتين زبادي
ومويه على حسب قيسي وشوفي وأتوقع أكثر من نص الكاس بشوي بتضبط
أهم شي قوامها أثقل من الكيك بحيث اذا رفعتيها بيدك تكون ثقيلة
اعجنيها بيدك واهم شي ارفعي العجينه كأنك تخبطينها ببعضها عشان يدخلها هوا
وغطيها خليها تتخمر نص ساعه ثم اقليها
مواضيع مشابهة
تابعي تجارب أخرى من هذا القسم.