ابوي سبني ,محتاجة دعواتكم تكفون

السلام عليكم ورحمة الله وبركاته
اخواتي انا طالبة جامعية ومحتاجة دعواتكم لي ربي يفرجججها لي , ربي يرززقها الفردوس ويسعدها اللي تدعي لي
والله ماكتبت الموضوع الا عشان شايلة هم كككبير ع قلبي
امي وابوي سافروا يعتمرون وانا واختي كنا نهتم لاخواني الصغار
وبينما كنت اطبخ لاختي الصغيرة وجاتني اختي الكبيرة ومعها فونها ع اساس ابوي يبي يكلمني
وكلمني وهو معصب ومتنرفز مني لاني ماكنت حول جوالي وارسلت له مسج ع جوال ابوي ,المهم وصرخ في وجهي بالفون
بينما اطبخ قلت له يكلمني بوقت اخر لان الوضع صعب , فهو فهم غلط وحسباله بقفل في وجهه وحاولت افهمه لكن عصب وسسبني وقفل , ابوي بالغالب يصصغرني دايم , ويهتم باخختي الكبيرة لانها تقريبا رح تصير دكتورة ويحبها اكثر مني , بينما انا شادة بدراستي بس عينه ع اختي الكبيرة ويحطها بيعينه , ومهما لو جبت ممتاز ابوي مايهتم , وايضا عندي اخوي بالجامعة متفوق وابوي يحبه حيل ومهتم فيه اكثر من اللي اخوي بالثانوي ودايم مششاكل مع ابوي , ابوي يسبه ويتجاهله دايم . انا واخوي اللي بالثانوي ابوي كذا يعاملنا . واذا عصب منا , ياخذ منا كل شي من الاجهزة والجوالات وكل شي , بينما اخواني المتفوقين مايسوي لهم كذا ,وتعبت من الوضع , وابوي بالليل بيرجع لنا , واذا شافني بيهاوشني ويسبني قدام اخواني وبيحرمني من الجوال والاب وكل شي
اخواتي في الله طااالللبتكم بس ادددعوا لي ربي يفرج همي وخصوصا الدعاء مستجاب في رمضان تكككفون , يارب اي وحدة تدعي لي ربي يرزززقها الفردوس ويسسسعدها دنيا واخخخرة ويرززقها باللي تتمناه
اخواتي والله اكتب لك وشوي واصيح , محتاجة للاب عشان اتابع اخبار الجامعة اول باول وعشان مايفوتني شي من التسجيل وغيره , خصوصا بينزلون لنا الجداول خلال هالفترة
تكفون لاتنسوني من الدعاء

22 تعليق 3,523 مشاهدة

شاركي في النقاش

سجلي الدخول لإضافة تعليق.

التعليقات

22
  1. @nino_2

    حبيبتي الله يخليلك ابوك الاب نعمه عظيمه تأكدي ان والدك يحبك بلا شك بس كذا احيانا الوالدين يميزون عيالهم عن بعض بس عادي هذا الشي لايضايقك أبدا حاولي تتقربين من والدك اكثر وتصلحين كل شي يحبه ولاتنتظرين كلمة شكر صلحي واحتسبي الأجر عند الله وتشوفين ان شاءالله امورك للاحسن الله يخليهم لك ويسخرهم وترا هذي مسأله بسيطه الأغلب كذا في الآباء
  2. @anth_alghymh

    رددي هذا الدعاء بكل وقت والله عجيب سبحانه ..
    اللهم ياوالي نعمتي وياملاذي عند كربتي اجعل نقمه ابي بردا وسلاما علي كما جعلت النار بردا وسلاما على ابراهيم ..

تابعي تجارب أخرى من هذا القسم.